ભારતીય ક્રિકેટ ટીમે રવિવારે દુબઈમાં રમાયેલી એશિયા કપની છઠ્ઠી મેચ સાત વિકેટથી જીતી લીધી. એશિયા કપમાં ભારતનો આ સતત બીજો વિજય છે
ભારતીય ક્રિકેટ ટીમે રવિવારે દુબઈમાં રમાયેલી એશિયા કપની છઠ્ઠી મેચ સાત વિકેટથી જીતી લીધી. એશિયા કપમાં ભારતનો આ સતત બીજો વિજય છે. અગાઉ ટીમે યુએઈને 9 વિકેટથી હરાવ્યું હતું. આ જીત સાથે, ભારત ચાર પોઈન્ટ સાથે પોઈન્ટ ટેબલમાં ટોચ પર છે અને સુપર-4 માટે પણ ક્વોલિફાય થઈ ગયું છે. દુબઈ ઈન્ટરનેશનલ ક્રિકેટ સ્ટેડિયમમાં પ્રથમ બેટિંગ કરતા પાકિસ્તાને 20 ઓવરમાં 9 વિકેટ ગુમાવીને 127 રન બનાવ્યા હતા, જેના જવાબમાં ભારતીય ટીમે 15.5 ઓવરમાં ત્રણ વિકેટ ગુમાવીને 131 રન બનાવીને મેચ જીતી લીધી હતી.
પાકિસ્તાન સામેની મેચમાં 128 રનના લક્ષ્યનો પીછો કરતી ભારતીય ટીમને અભિષેક શર્મા અને શુભમન ગિલે શાનદાર શરૂઆત આપી હતી. શુભમન ગિલ 7 બોલમાં 10 રન બનાવીને આઉટ થયો હતો. અભિષેક શર્માએ 13 બોલમાં ચાર ચોગ્ગા અને બે છગ્ગાની મદદથી 31 રન બનાવ્યા હતા. તિલક વર્માએ 31 બોલમાં 31 રન બનાવ્યા હતા. સૂર્યકુમાર અને તિલક વર્મા (૩૧ બોલમાં ૩૧ રન) એ ત્રીજી વિકેટ માટે ૫૬ રન ઉમેર્યા. કેપ્ટન સૂર્યકુમાર યાદવ ૩૭ બોલમાં ૪૭ રન બનાવીને અણનમ પાછો ફર્યો. શિવમ દુબે ૧૦ રન બનાવીને અણનમ રહ્યો. પાકિસ્તાન તરફથી સૈમ અયુબે ત્રણ વિકેટ લીધી.
