ગુજરાતમાં 31 જુલાઈથી 2 ઓગસ્ટ સુધી ભારેથી અતિભારે વરસાદની આગાહી કરવામાં આવી છે. 13 જિલ્લામાં હાઈ એલર્ટ જાહેર કરાયું છે અને અધિકારીઓની રજાઓ રદ કરવામાં આવી છે.
ગુજરાતમાં વરસાદના વિરામ બાદ ફરી એકવાર મેઘરાજા જોરદાર બેટિંગ કરવા માટે સજ્જ થયા છે. હવામાન વિભાગ દ્વારા રાજ્યમાં આગામી 31 જુલાઈથી 2 ઓગસ્ટ સુધી રાજ્યના વિવિધ વિસ્તારોમાં ભારેથી અતિભારે વરસાદની આગાહી કરવામાં આવી છે. આ ગંભીર સ્થિતિને ધ્યાનમાં રાખીને તંત્ર દ્વારા રાજ્યના 13 જિલ્લાઓમાં હાઈ એલર્ટ જાહેર કરવામાં આવ્યું છે.
તંત્ર દ્વારા યુદ્ધના ધોરણે તૈયારીઓ
ભારે વરસાદની આગાહીને પગલે વહીવટી તંત્ર સાબદું થઈ ગયું છે. સંભવિત પૂર જેવી સ્થિતિને પહોંચી વળવા માટે અધિકારીઓ અને કર્મચારીઓની રજાઓ રદ કરી દેવામાં આવી છે.
રજાઓ રદ: તમામ સંબંધિત સરકારી વિભાગોના અધિકારીઓની રજાઓ આગામી દિવસો માટે રદ કરવામાં આવી છે જેથી કોઈપણ કટોકટીના સમયે તેઓ ફરજ પર હાજર રહી શકે.હાઈ એલર્ટ જિલ્લાઓ: હવામાન વિભાગના જણાવ્યા અનુસાર સૌરાષ્ટ્ર અને દક્ષિણ ગુજરાતના મળીને કુલ 13 જિલ્લાઓમાં ભારે વરસાદની સૌથી વધુ શક્યતા છે, જેના કારણે ત્યાં તંત્રને સતર્ક રહેવા સૂચના આપવામાં આવી છે.
વરસાદની આગાહીની વિગતો
હવામાન નિષ્ણાતોના મતે, બંગાળની ખાડીમાં સર્જાયેલી સિસ્ટમને કારણે ગુજરાતમાં વરસાદનું જોર ફરી વધશે. આગામી 48 થી દક્ષિણ ગુજરાત અને સૌરાષ્ટ્રના દરિયાકાંઠાના વિસ્તારોમાં ભારે પવન સાથે મુશળધાર વરસાદ વરસી શકે છે.નીચાણવાળા વિસ્તારોમાં પાણી ભરાવાની સમસ્યા સર્જાઈ શકે છે, તેથી લોકોને સુરક્ષિત રહેવા અપીલ કરવામાં આવી છે.તંત્ર દ્વારા નાગરિકોને અફવાઓથી દૂર રહેવા અને સ્થાનિક વહીવટી તંત્ર દ્વારા આપવામાં આવતી સૂચનાઓનું ચુસ્તપણે પાલન કરવા વિનંતી કરવામાં આવી છે.
