પ્રધાનમંત્રી નરેન્દ્ર મોદી ક્રોએશિયાની ઐતિહાસિક મુલાકાતે પહોંચ્યા છે, જ્યાં ભારતીય પ્રવાસી સમુદાય દ્વારા તેમનું ભવ્ય સ્વાગત કરવામાં આવ્યું હતું. આ કોઈ ભારતીય પ્રધાનમંત્રીની ક્રોએશિયાની પ્રથમ સત્તાવાર મુલાકાત છે. પીએમ મોદીનું એરપોર્ટ પર ક્રોએશિયાના પ્રધાનમંત્રી આન્દ્રે પ્લેન્કોવિક દ્વારા વ્યક્તિગત રીતે સ્વાગત કરવામાં આવ્યું હતું.
નવી દિલ્હી, બુધવાર: ક્રોએશિયામાં પ્રધાનમંત્રી નરેન્દ્ર મોદીનું ભવ્ય સ્વાગત કરવામાં આવ્યું હતું. બુધવારે (18 જૂન) પીએમ મોદી ઝાગ્રેબ પહોંચ્યા ત્યારે ભારતીય પ્રવાસી સમુદાયે તેમનું સાંસ્કૃતિક રીતે સ્વાગત કર્યું હતું. ‘વંદે માતરમ’ અને ‘ભારત માતા કી જય’ ના નારા સાથે સમગ્ર વાતાવરણ દેશભક્તિથી ભરેલું હતું. તેમની મુલાકાત દરમિયાન, પીએમ મોદી ક્રોએશિયાના પ્રધાનમંત્રી આન્દ્રે પ્લેનકોવિક અને રાષ્ટ્રપતિ જોરાન મિલાનોવિક સાથે દ્વિપક્ષીય વાતચીત કરશે.
હોટલ પહોંચતાની સાથે જ પીએમ મોદીનું પરંપરાગત ભારતીય પોશાકમાં નૃત્ય પ્રદર્શન અને સૂત્રોચ્ચાર સાથે સ્વાગત કરવામાં આવ્યું. પીએમ મોદીએ ત્યાં હાજર ભારતીય સમુદાયના લોકો સાથે વાતચીત કરી અને તેમનો આભાર માન્યો.
ભારત અને ક્રોએશિયા વચ્ચેના દ્વિપક્ષીય સંબંધો માટે આ એક ઐતિહાસિક ક્ષણ છે કારણ કે આ કોઈપણ ભારતીય વડા પ્રધાનની ક્રોએશિયાની પ્રથમ સત્તાવાર મુલાકાત છે. પીએમ મોદી ક્રોએશિયાના વડા પ્રધાન આન્દ્રે પ્લેન્કોવિકના આમંત્રણ પર ત્યાં પહોંચ્યા છે.
