હૈદરાબાદ ક્રિકેટ એસોસિએશનના પ્રમુખ જગન મોહન રાવની CID દ્વારા નકલી દસ્તાવેજોના કેસમાં ધરપકડ કરાઈ
ન્યુ દિલ્હી, ગુરુવાર : પોલીસે જણાવ્યું હતું કે તેલંગાણા સીઆઈડી દ્વારા હૈદરાબાદ ક્રિકેટ એસોસિએશનના પ્રમુખએ જગનમોહન રાવ અને અન્ય ચાર લોકોની અટકાયત કરવામાં આવી છે. હૈદરાબાદ ક્રિકેટ એસોસિએશન (HCA) ના પ્રમુખ એ જગન મોહન રાવ અને પાંચ અન્ય અધિકારીઓની તેલંગાણા CID દ્વારા અટકાયત કરવામાં આવી છે. હૈદરાબાદ ક્રિકેટ એસોસિએશનના પ્રમુખ જગન મોહન રાવની CID દ્વારા નકલી દસ્તાવેજોના કેસમાં ધરપકડ કરવામાં આવી છે.
9 જુલાઈની રાત્રે, એવું બહાર આવ્યું કે તેમની અને અન્ય બે લોકોની પૂછપરછ કરવામાં આવી રહી છે પરંતુ તેમની ધરપકડની કોઈ ઔપચારિક પુષ્ટિ થઈ ન હતી. હવે એક પ્રેસ નોટમાં ધરપકડની પુષ્ટિ કરવામાં આવી છે. પ્રેસ નોટમાં જણાવવામાં આવ્યું છે કે આ ધરપકડ SRH કેસમાં નહીં પરંતુ ગોલીપુરા ક્રિકેટ એસોસિએશનના પ્રમુખના નકલી સહી અને દસ્તાવેજો દ્વારા નકલી દસ્તાવેજો બનાવવાના કેસમાં કરવામાં આવી છે. અગાઉ એવું કહેવામાં આવ્યું હતું કે IPL 2025 દરમિયાન સનરાઇઝર્સ હૈદરાબાદ ફ્રેન્ચાઇઝ દ્વારા લગાવવામાં આવેલા આરોપોના સંદર્ભમાં પૂછપરછ માટે આ લોકોની ધરપકડ કરવામાં આવી છે. પરંતુ હવે સ્પષ્ટ થઈ ગયું છે કે પોલીસે નકલી દસ્તાવેજો અને સહીઓના કેસમાં આ કાર્યવાહી કરી છે ક્રાઈમ ઈન્વેસ્ટિગેશન ડિપાર્ટમેન્ટે પ્રેસનોટમાં લખ્યું છે. CID અધિકારીઓ દ્વારા એકત્રિત કરવામાં આવેલી તપાસ અને પુરાવાઓના આધારે, એવું બહાર આવ્યું છે કે આરોપી એ જગન મોહન રાવે સી રાજેન્દ્ર યાદવ અને તેમની પત્ની જી કવિતા સાથે મળીને શ્રી ચક્ર ક્રિકેટ ક્લબના બનાવટી દસ્તાવેજો બનાવ્યા હતા,
ગોવલીપુરા ક્રિકેટ ક્લબ નામનું આ દસ્તાવેજ અસલી તરીકે ઉપયોગમાં લેવાયો હતો, જેના કારણે એ. જગન મોહન રાવને HCAમાં પ્રમુખ પદ મેળવવામાં મદદ મળી.વધુમાં, જગન મોહન રાવે આરોપીઓ સીજે શ્રીનિવાસ રાવ, એચસીએના ખજાનચી અને સીઈઓ સુનિલ કાંટે અને અન્ય લોકો સાથે દુર્ભાવનાપૂર્ણ ઇરાદાથી સાંઠગાંઠ કરી, વિશ્વાસઘાત કર્યો, જાહેર નાણાંનો દુરુપયોગ કર્યો,IPLએ SRH અધિકારીઓ સામે ગેરરીતિઓ આચરવામાં આવી હોવાનો આરોપ લગાવ્યો હતો, જેમાં ધાકધમકી, મફત પાસ અને કોર્પોરેટ બોક્સમાં પ્રવેશ માટે બ્લેકમેઇલિંગ અને ગંભીર પરિણામોની ધમકીઓનો સમાવેશ થાય છે. તમને જણાવી દઈએ કે, 3 મહિના પહેલા સનરાઇઝર્સ હૈદરાબાદે BCCI અને ICC ગવર્નિંગ કાઉન્સિલને ફરિયાદ કરી હતી કે હૈદરાબાદ ક્રિકેટ એસોસિએશન વારંવાર તેમને વધારાના ફ્રી પાસ માટે બ્લેકમેલ કરી રહ્યું છે. ફ્રેન્ચાઇઝીએ એમ પણ કહ્યું હતું કે જો આવું જ ચાલુ રહેશે, તો તેમને તેમના ઘરેલું મેચો બીજા રાજ્યમાં ખસેડવાની ફરજ પડશે. આ પછી, સનરાઇઝર્સ હૈદરાબાદ અને હૈદરાબાદ ક્રિકેટ એસોસિએશન વચ્ચેની બેઠક બાદ 3900 ફ્રી પાસની ફાળવણી ચાલુ રાખવા માટે સર્વસંમતિ સધાઈ હતી.
