SEOCના આંકડા અનુસાર, 145 તાલુકામાંથી 35 તાલુકામાં માત્ર 1-2 મિલીમીટર જેટલો સામાન્ય વરસાદ નોંધાયો છે, જ્યાં વરસાદે માત્ર હાજરી પુરાવી છે.
અમદાવાદ, મંગળવાર
ગુજરાતમાં મેઘરાજા ફરી સક્રિય થયા છે અને છેલ્લા ત્રણ દિવસથી રાજ્યભરમાં સારો વરસાદ જોવા મળી રહ્યો છે. છેલ્લા 24 કલાકમાં રાજ્યના 145 તાલુકામાં વરસાદ નોંધાયો છે, જેમાં સુરત, છોટાઉદેપુર અને પંચમહાલ જિલ્લામાં સૌથી વધુ વરસાદ પડ્યો છે.
સુરતના ઉમરપાડામાં સૌથી વધુ વરસાદ
સ્ટેટ ઈમરજન્સી ઓપરેશન સેન્ટર (SEOC) ગાંધીનગર દ્વારા જાહેર કરાયેલા આંકડા મુજબ, 28 જુલાઈ 2025 સવારે 6 વાગ્યાથી લઈને 29 જુલાઈ 2025 સવારે 6 વાગ્યા સુધીના 24 કલાકમાં સુરતના ઉમરપાડામાં સૌથી વધુ 4.92 ઈંચ વરસાદ નોંધાયો છે.
8 તાલુકામાં 2 ઈંચથી વધુ વરસાદ
છેલ્લા 24 કલાકમાં રાજ્યના 8 તાલુકામાં 2 ઈંચથી વધુ વરસાદ પડ્યો છે. આ તાલુકાઓની વિગત નીચે મુજબ છે.
આગામી 24 કલાક માટે ભારે વરસાદની આગાહી
હવામાન વિભાગે આજે, 29 જુલાઈ 2025 માટે રાજ્યના 14 જિલ્લાઓમાં અતિ ભારે વરસાદ ની આગાહી કરી છે. આ જિલ્લાઓમાં ખેડા, આણંદ, પંચમહાલ, મહિસાગર, વડોદરા, છોટાઉદેપુર, નર્મદા, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીનો સમાવેશ થાય છે. નાગરિકોને સાવચેત રહેવા અને જરૂરી તકેદારી રાખવા અપીલ કરવામાં આવી છે.
