AMCના જણાવ્યા અનુસાર, શહેરના બ્રિજોની સુરક્ષા સુનિશ્ચિત કરવા માટે તમામ જરૂરી પગલાં લેવામાં આવી રહ્યા છે, જેથી ભવિષ્યમાં કોઈ અનિચ્છનીય ઘટના ન બને. આ દાવાઓ બાદ અમદાવાદના નાગરિકોમાં બ્રિજોની સુરક્ષાને લઈને વિશ્વાસ વધશે તેવી અપેક્ષા છે.
અમદાવાદ, મંગળવાર
વડોદરાના પાદરા પાસે ગંભીરા બ્રિજ તૂટ્યા બાદ રાજ્યભરમાં બ્રિજોની સુરક્ષા અને મેઇન્ટેનન્સનો મુદ્દો ચર્ચામાં છે. આ જ સંદર્ભમાં અમદાવાદ શહેરમાં બ્રિજોની વર્તમાન સ્થિતિ અંગે ગુજરાત હાઈકોર્ટમાં સુનાવણી હાથ ધરવામાં આવી હતી. આ સુનાવણી દરમિયાન અમદાવાદ મ્યુનિસિપલ કોર્પોરેશન દ્વારા કોર્ટમાં રજૂ કરાયેલા સોગંદનામામાં શહેરના બ્રિજો ‘સબ સલામત’ હોવાનો દાવો કરવામાં આવ્યો હતો.
AMCનો કોર્ટમાં દાવો: બ્રિજની સુરક્ષા સર્વોપરી
AMC દ્વારા હાઈકોર્ટ સમક્ષ રજૂ કરાયેલા એફિડેવિટમાં અમદાવાદના બ્રિજોની સ્થિતિ અને ચાલી રહેલા કાર્યોની વિગતવાર માહિતી આપવામાં આવી હતી. AMCએ જણાવ્યું કે નવા બની રહેલા બ્રિજોમાં કોઈ ખામી ન રહે તેની ખાસ ચકાસણી કરવામાં આવે છે. આ ઉપરાંત, શહેરમાં જર્જરિત હાલતમાં રહેલા બ્રિજોનું નિયમિત નિરીક્ષણ કરીને તેનું રિપેરિંગ કાર્ય પણ કરવામાં આવી રહ્યું છે.
શહેરમાં બ્રિજ નિર્માણ અને રિપેરિંગની કામગીરી
AMCએ તેના સોગંદનામામાં કેટલાક ચોક્કસ પ્રોજેક્ટ્સનો પણ ઉલ્લેખ કર્યો હતો. ફૂટ ઓવરબ્રિજ 2 ફૂટ ઓવરબ્રિજનું કાર્ય પૂર્ણ કરવામાં આવ્યું છે. SG હાઇવે પર 5 નવા ફૂટ ઓવરબ્રિજ બનાવવાની યોજના છે. શાહીબાગ અને કેમ્પ હનુમાન મંદિર પાસે નવા ફૂટ ઓવરબ્રિજ બનાવવામાં આવ્યા છે.
AMCના જણાવ્યા અનુસાર, શહેરના બ્રિજોની સુરક્ષા સુનિશ્ચિત કરવા માટે તમામ જરૂરી પગલાં લેવામાં આવી રહ્યા છે, જેથી ભવિષ્યમાં કોઈ અનિચ્છનીય ઘટના ન બને. આ દાવાઓ બાદ અમદાવાદના નાગરિકોમાં બ્રિજોની સુરક્ષાને લઈને વિશ્વાસ વધશે તેવી અપેક્ષા છે.
