- ભારત અને ફ્રાન્સ તેમના રાજદ્વારી સંબંધોની વર્ષગાંઠની ઉજવણી કરી રહ્યા છે
- આર માધવનની ફિલ્મ 'રોકેટરી'નું વર્લ્ડ પ્રીમિયર કાન્સમાં યોજાશે
નવી દિલ્લી, મંગળવાર
કાન્સ ફિલ્મ ફેસ્ટિવલ આજથી શરૂ થયો છે, જે 28 મે સુધી ચાલશે. આ વર્ષ ભારત માટે કાન્સ ખૂબ મહત્વનું છે. આ વર્ષે ભારતને કાન્સમાં 'કન્ટ્રી ઓફ ઓનર' માટે આમંત્રણ મળ્યું છે. આ સાથે જ દીપિકા પાદુકોણ પ્રથમ વખત જ્યુરી મેમ્બર તરીકે ફેસ્ટિવલમાં પહોંચી છે. આર માધવનની ફિલ્મ 'રોકેટરી'નું વર્લ્ડ પ્રીમિયર પણ કાન્સમાં યોજાશે.
આ વર્ષે ભારતને કાન્સમાં 'કન્ટ્રી ઓફ ઓનર' માટે આમંત્રણ મળ્યું છે. આ સાથે જ દીપિકા પાદુકોણ પ્રથમ વખત જ્યુરી સભ્ય તરીકે ફેસ્ટિવલમાં પહોંચી છે. અક્ષય કુમારને પણ જ્યુરી મેમ્બરમાં સામેલ કરવાનો હતો, પરંતુ કોરોનાનો શિકાર થવાને કારણે અક્ષય કુમારે પોતાનો કાર્યક્રમ રદ કર્યો હતો. કાન્સ ફિલ્મ ફેસ્ટિવલ ભારત માટે ખૂબ જ મહત્વપૂર્ણ છે કારણ કે ભારત અને ફ્રાન્સ તેમના રાજદ્વારી સંબંધોની વર્ષગાંઠની ઉજવણી કરી રહ્યા છે. આ વર્ષે કાન્સ ફેસ્ટિવલમાં ભારતને 'કન્ટેન્ટ હબ ઓફ ધ વર્લ્ડ' તરીકે રજૂ કરવામાં આવશે. એક તરફ જ્યાં ભારત સ્વતંત્રતાના અમૃત ઉત્સવની ઉજવણી કરી રહ્યું છે, તો બીજી તરફ, કાન્સ ફિલ્મ ફેસ્ટિવલ આ વખતે તેની 75મી વર્ષગાંઠની ઉજવણી કરી રહ્યો છે. આ ઉપરાંત બંગાળી, હિન્દી, તમિલ, તેલુગુ વગેરે ફિલ્મો એકસાથે ભારતનું પ્રતિનિધિત્વ કરી રહી છે.
આ ફિલ્મોમાં પ્રથમ ફિલ્મ જયચેંગ જક્સાઈ દોહુટિયાની 'બાગજાન' છે જે એક આસામી ફિલ્મ છે. બીજી ફિલ્મ 'બૈલાદીલા' છે જે ઈસો શૈલેન્દ્ર સાહુ દ્વારા નિર્મિત છત્તીસગઢી ફિલ્મ છે. ત્રીજી ફિલ્મ 'એક સ્થાન અપની' છે જે હિન્દીમાં હશે. ચોથી ફિલ્મ 'અનુયાયી' છે જેનું નિર્દેશન હર્ષદ નલવડે કરી રહ્યા છે. પાંચમી ફિલ્મ 'જય શંકર' જે કન્નડમાં હશે.