બેંક ખાતું નથી, તો પણ તમે UPIનો ઉપયોગ કરી શકો છો, જાણો લોગ ઇન કરવાની સંપૂર્ણ પ્રોસેસ|Even if you dont have a bank account you can use UPI know the complete process of logging in

- UPI સર્કલ અનેક વ્યક્તિઓને UPI પેમેન્ટ કરવા માટે એક બેંક એકાઉન્ટનો ઉપયોગ કરવાની મંજૂરી આપે છે.

- આ વ્યક્તિઓ કુટુંબના સભ્યો હોઈ શકે છે જેમ કે વરિષ્ઠ નાગરિકો, જીવનસાથી અથવા બાળકો

- જેમનું બેંક ખાતું ન હોય અથવા જેમના પરિવારના સભ્યો સમાન બેંક ખાતાનો ઉપયોગ કરતા હોય.

અમદાવાદ, શનિવાર

UPIના આસાન ઉપયોગથી સમાજના દરેક વર્ગ સુધી ઝડપથી પહોંચ બને છે. જો કે, હજુ પણ ઘણા લોકો તેનો ઉપયોગ કરી શકતા નથી કારણ કે તેમની પાસે બેંક ખાતું નથી. યુનિફાઇડ પેમેન્ટ્સ ઇન્ટરફેસ (UPI)નો ઉપયોગ કરવા માટે, તમારી પાસે બેંક ખાતું હોવું જરૂરી છે. સૌથી વધુ નુકસાન એવા બાળકોને ભોગવવું પડે છે જેમની પાસે બેંક એકાઉન્ટ નથી. જો તમારા બાળકો બેંક એકાઉન્ટ ન હોવાને કારણે UPI નો ઉપયોગ કરી શકતા નથી, તો ચિંતા કરવાની જરૂર નથી. અમે તમને બેંક ખાતા વગર UPI નો ઉપયોગ કરવાની પ્રક્રિયા જણાવી રહ્યા છીએ. યુપીઆઈ સર્કલ ફીચર દ્વારા, પરિવારના એકથી વધુ સભ્યો એક બેંક એકાઉન્ટ પર યુપીઆઈ દ્વારા ટ્રાન્ઝેક્શન કરી શકે છે. ચાલો જાણીએ શું છે આ સુવિધા અને તેનો લાભ લેવા માટે રજીસ્ટ્રેશન કરવાની પ્રક્રિયા શું છે?અમારા ઇન્સ્ટાગ્રામ પેજને ફોલો કરવાં માટે અહીં ટચ કરો

UPI સર્કલ અનેક વ્યક્તિઓને UPI પેમેન્ટ કરવા માટે એક બેંક એકાઉન્ટનો ઉપયોગ કરવાની મંજૂરી આપે છે. આ વ્યક્તિઓ કુટુંબના સભ્યો હોઈ શકે છે જેમ કે વરિષ્ઠ નાગરિકો, જીવનસાથી અથવા બાળકો જેમનું બેંક ખાતું ન હોય અથવા જેમના પરિવારના સભ્યો સમાન બેંક ખાતાનો ઉપયોગ કરતા હોય. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) કહે છે કે એક પ્રાઇમરી યુઝર્સ મેક્સિમમ 5 સેકન્ડરી યુઝર્સઓ બનાવી શકે છે.

UPI સર્કલનો ઉપયોગ કેવી રીતે કરવો, અહીં સ્ટેપ-બાય-સ્ટેપ પ્રોસેસ જાણો
અહીં BHIM-UPIને ઉદાહરણ તરીકે લેવામાં આવ્યું છે. તમે આ પદ્ધતિનો ઉપયોગ કરીને અન્ય એપ્લિકેશન્સમાં રજિસ્ટ્રેશન કરાવી શકો છો.

સ્ટેપ-1: BHIM-UPI એપ પર જાઓ અને 'UPI સર્કલ' પર ક્લિક કરો. એક નવું પેજ ખુલશે અને અહીં તમારે 'Add Family or Friends' બટન પર ક્લિક કરવાનું રહેશે. તમારી પાસે તમારા UPI સર્કલમાં કુટુંબ અથવા મિત્રોને ઉમેરવાની બે રીત છે - QR કોડ સ્કેન કરીને અથવા તેમનું UPI ID દાખલ કરીને.

સ્ટેપ-2: અમે UPI ID ઓપ્શનનો ઉપયોગ કરીને રજિસ્ટ્રેશન કરી રહ્યા છીએ. જ્યારે તમે તમારા મિત્ર અથવા કુટુંબનું UPI ID ઉમેરો છો, ત્યારે 'Add to my UPI સર્કલ' બટન પર ક્લિક કરો. એક નવું પેજ ખુલશે અને તે તમને તમારા UPI સર્કલમાં એડ કરવા માંગતા વ્યક્તિનો ફોન નંબર લખવા માટે કહેશે. નોંધ કરો કે આ વ્યક્તિ તમારી સંપર્ક લિસ્ટમાં હોવી આવશ્યક છે અન્યથા તેને અથવા તેણીને ઉમેરી શકાશે નહીં.

સ્ટેપ-3: હવે તમારી પાસે બે એક્સેસ પ્રકારના ઓપ્શનો છે - 'લિમિટ સાથે ખર્ચ કરો' અથવા 'દરેક પેમેન્ટને મંજૂરી આપો'. પ્રથમ ઓપ્શનમાં, તમે પૂર્વનિર્ધારિત લિમિટ સેટ કરો છો અને ગૌણ યુઝર્સ તે લિમિટમાં જ વ્યવહાર કરી શકે છે. બીજા ઓપ્શન (દરેક પેમેન્ટને મંજૂર કરો) માટે તમારે ગૌણ યુઝર્સ દ્વારા શરૂ કરાયેલા દરેક વ્યવહારને મંજૂર કરવાની જરૂર છે. તમારી જરૂરિયાતોને આધારે પસંદ કરો અને પછી 'પ્રોસીડ' પર ક્લિક કરો.

સ્ટેપ-4: અમે લિમિટ સાથે ખર્ચ કરવાનો ઓપ્શન પસંદ કર્યો છે. જ્યારે તમે આ ઓપ્શન પસંદ કરો છો ત્યારે તમારે ત્રણ ઇનપુટ આપવા પડશે. એકવાર થઈ જાય પછી 'પ્રોસીડ' પર ક્લિક કરો. ઓથોરાઇઝ કરવા માટે તમારો UPI પિન દાખલ કરો. બસ, હવે સેકન્ડરી યુઝર તમારા UPI સર્કલમાં ઉમેરવામાં આવશે.