પાણી વિનાનો થયો આ જિલ્લો, એક હજાર ફૂટે પણ પાણી મળે તો તમારું ભાગ્ય|This district has become waterless, if you get water even at a thousand feet, you are lucky

પાણી વિનાનો થયો આ જિલ્લો, એક હજાર ફૂટે પણ પાણી મળે તો તમારું ભાગ્ય

Google ન્યુઝ માં જોડાવા માટે અહીં ક્લિક કરો :

By Weu Network 29, November 2023

- ખેતી માટે પાણીમાં ટીડીએસનું પ્રમાણ ૭૫૦ હોવું જાેઈએ તેની સામે ૧૫૦૦એ પહોંચ્યું
- ભૂગર્ભ જળ ઊંડાં જતાં ખેડૂતો ખેતી કરવાનું છોડી રહ્યા છે, આવનારો સમય વિકટ બનશે

ગાંધીનગર, બુધવાર

રાજ્યના એક જિલ્લામાં ભૂગર્ભ જળ એટલા ઊંડા ગયાં છે કે એક હજાર કે અગિયારસો ફૂટે પણ પાણી મળી આવે તો તમારું નસીબ. ધરતીના પેટાળમાંથી બોરવેલ મારફતે પાણી ખેંચી લેવામાં આવતાં હવે પેટાળમાંથી પાણી મળવું મુશ્કેલ બની ગયું છે. કમનસીબી તો એ છે કે, એક હજાર ફૂટે પણ પાણી મળી જાય તો તે પાણી ખેતી કરવા લાયક રહેતું નથી અને જેના કારણે ખેડૂતોને ખેતી છોડવાની નોબત આવી રહી છે. આ જિલ્લો ડાર્કઝોન તરફ આગળ વધી રહ્યો છે અને ૩૦ જેટલા ગામોમાં આજે પણ સ્થિતિ વિકટ બની છે અને ખેતી આવનારા સમયમાં ભૂતકાળ બની જાય તો નવાઈ જેવું લાગશે નહી.

બોરવેલ દ્વારા પેટાળમાંથી પાણી ખેંચવામાં બનાસકાંઠા જિલ્લો મોખરે છે અને જેના કારણે સ્થિતિ એ થઈ છે કે, આજે એક હજાર કે અગિયારસો ફૂટે પણ પાણી મળતુ નથી. બનાસકાંઠા જિલ્લાના ધાનેરી ગામમાં રહેતા ખેડૂતોની હાલત કફોડી બની છે અને તેઓ કહે છે કે, ૨૦ વર્ષથી બોર કરતા આવ્યા છીએ પણ હજુ પાણી મળ્યું નથી. ક્યાંક પાણી મળે છે તો તેમાં ટીડીએસનું પ્રમાણ ઊંચું આવે છે. ખેતી માટે પાણીમાં ૭૫૦ ટીડીએસનું પ્રમાણ હોવું જાેઈએ તેની સામે ટીડીએસનું પ્રમાણ ૧૫૦૦ આવે છે જેના કારણે ખેતીને લાયક પણ રહેતું નથી. ડીસા અને લાખણી તાલુકાના ૩૦થી વધારે ગામોમાં ભૂગર્ભ જળ ઊંડા ગયા છે અને જેના કારણે ખેતી સાથે સંકળાયેલા પરિવારોને ગુજરાન માટે અન્ય ધંધા કે રોજગાર કરવાની ફરજ પડી છે. જ્યાં ખેતી થાય છે ત્યાં પાણીમાં ટીડીએસનું પ્રમાણ ઊંચું હોવાથી ખેતી પણ સરખી થતી નથી અને ખેતરો ઉજ્જડ બની રહ્યા છે. આવનારા સમયમાં બનાસકાંઠા જિલ્લામાં ભૂગર્ભ જળની સ્થિતિ ચિંતાજનક બનશે તેમાં બેમત નથી અને હાલ ખતરાની ઘંટડી વાગી રહી છે.ગાંધીનગર, દહેગામ, કલોલ અને માણસા તાલુકાના નાના મોટા સમાચારની લીંક મેળવવા માટે આ લીંક પર ટચ કરો અને અમારા વોટ્સઅપ ગ્રુપને જોઈન્ટ કરો અને મેળવો તમામ સમાચાર