સમાજવાદી પાર્ટીએ 2027ની યુપી વિધાનસભા ચૂંટણી માટે અયોધ્યા બેઠક પરથી પવન પાંડેને ઉમેદવાર તરીકે જાહેર કર્યા છે. લખનૌમાં બ્રાહ્મણ સંમેલન દરમિયાન અખિલેશ યાદવે આ જાહેરાત કરીને મોટું રાજકીય સમીકરણ સાધ્યું છે.
સમાજવાદી પાર્ટી (Samajwadi Party) દ્વારા ઉત્તર પ્રદેશ વિધાનસભા ચૂંટણી ૨૦૨૭ (Uttar Pradesh Assembly Election 2027) માટે અત્યારથી જ રણનીતિઓ તૈયાર કરવામાં આવી રહી છે. સપાના રાષ્ટ્રીય અધ્યક્ષ અખિલેશ યાદવ (Akhilesh Yadav) એ અયોધ્યા વિધાનસભા બેઠક (Ayodhya Assembly Constituency) માટે તેજ નારાયણ પાંડે ઉર્ફે પવન પાંડે (Pawan Pandey) ને પોતાના ઉમેદવાર તરીકે જાહેર કરી દીધા છે. લખનૌ ખાતે યોજાયેલા બ્રાહ્મણ સંમેલન દરમિયાન આ મોટી જાહેરાત કરીને પાર્ટીએ ચૂંટણી પ્રચારનું રણશિંગુ ફૂંકી દીધું છે.
રામ મંદિર બેઠક પર સપાનું સોશિયલ એન્જિનિયરિંગ
અયોધ્યા બેઠક ધાર્મિક અને રાજકીય બંને દ્રષ્ટિએ અત્યંત સંવેદનશીલ અને મહત્વપૂર્ણ માનવામાં આવે છે, કારણ કે આ જ મતવિસ્તારમાં શ્રી રામ જન્મભૂમિ મંદિર (Ram Mandir) આવેલું છે.
-
અયોધ્યા જિલ્લામાં કુલ પાંચ બેઠકો આવેલી છે, જેમાં અયોધ્યા બેઠક સૌથી વીઆઈપી ગણાય છે.
-
બ્રાહ્મણ સંમેલનના મંચ પરથી આ નામ જાહેર કરીને સપાએ સામાજિક સમીકરણો (સોશિયલ એન્જિનિયરિંગ) સાધવાનો મોટો સંદેશ આપ્યો છે.
પવન પાંડેનો રાજકીય પ્રવાસ
પવન પાંડેની રાજકીય સફર વિદ્યાર્થી રાજકારણથી શરૂ થઈ હતી. તેઓ ૧૯૯૮માં વિદ્યાર્થી ચળવળથી જોડાયા અને ૨૦૦૪માં લખનૌ યુનિવર્સિટી વિદ્યાર્થી સંઘ (Lucknow University Students Union) ના ઉપપ્રમુખ બન્યા હતા.
-
ઐતિહાસિક વિજય: ૨૦૧૨ની વિધાનસભા ચૂંટણીમાં તેમણે ભાજપ (BJP) ના દિગ્ગજ નેતા લલ્લુ સિંહને હરાવીને મોટી જીત મેળવી હતી.
-
અખિલેશ યાદવના નજીકના ગણાતા પવન પાંડે પર પાર્ટીએ ફરી એકવાર ભરોસો મૂકીને અયોધ્યામાં ચૂંટણી માહોલ ગરમાવી દીધો છે.
