ગોવિંદા અને સુનીતા વચ્ચેના વિવાદ વચ્ચે કશ્મીરા શાહે લગ્ન અને દગાખોરી પર સવાલ ઉઠાવતી પોસ્ટ શેર કરી છે. કશ્મીરા શાહનું છલકાયું દર્દ.
બોલિવૂડ અભિનેતા ગોવિંદા અને તેમની પત્ની સુનીતા આહૂજા વચ્ચેના કડવાશભર્યા સંબંધોની ચર્ચા વચ્ચે કૃષ્ણા અભિષેકની પત્ની અને અભિનેત્રી કશ્મીરા શાહની એક સોશિયલ મીડિયા પોસ્ટે લોકોનું ધ્યાન ખેંચ્યું છે. કશ્મીરાએ આકાશની તસવીર શેર કરીને આજના સમયમાં લગ્નજીવનમાં વધતી બેવફાઈ અને તૂટતા સંબંધો અંગે ઊંડી નિરાશા વ્યક્ત કરી છે.
સાચા પ્રેમ અને વફાદારી પર સવાલો
કશ્મીરાએ પોતાની પોસ્ટમાં લખ્યું છે કે શું વાસ્તવમાં સાચો પ્રેમ અસ્તિત્વ ધરાવે છે ખરો? લોકો એકબીજાને છેતરતા હોય અને લગ્નો તૂટતા હોય તે જોઈને તે ખૂબ જ દુઃખી છે. કોઈ વ્યક્તિ પોતાના પાર્ટનરને આટલું સ્પેશિયલ કઈ રીતે ફીલ કરાવી શકે અને આવો નિઃસ્વાર્થ પ્રેમ કરનારો માણસ ક્યાં મળે છે, તેવા પ્રશ્નો ઉઠાવીને તેણે પોતે પણ રિયાલિટી ચેક કરવાની જરૂર હોવાનું જણાવ્યું છે.
સુનીતા આહૂજાના ગંભીર આક્ષેપો
બીજી તરફ ગોવિંદા અને સુનીતા વચ્ચેનો વિવાદ સતત વકરી રહ્યો છે. સુનીતાએ જાહેરમાં પોતાના સંબંધોમાં રહેલી બેવફાઈ વિશે ખુલીને વાત કરી છે અને ગોવિંદાના અન્ય મહિલાઓ સાથે સંબંધ હોવાનો દાવો કર્યો છે. અભિનેતાનું નામ તેમની કો-એક્ટ્રેસ રાની સ્વર્ણકાર સાથે જોડાઈ રહ્યું છે, જેને લઈને સુનીતાએ પેપરાઝી સમક્ષ વાતચીત દરમિયાન ગોવિંદા પર કટાક્ષ કરતાં તેમને ‘શુગર ડેડી’ પણ કહી દીધા હતા.
ગોવિંદાનો પલટવાર અને સ્પષ્ટતા
સુનીતાના આ તમામ આક્ષેપો સામે ગોવિંદાએ પણ પોતાનો પક્ષ રજૂ કર્યો છે. અભિનેતાએ સ્પષ્ટ કર્યું કે કોઈ યુવાન અભિનેત્રી સાથે સ્ક્રીન શેર કરવાનો અર્થ એવો નથી કે તેમની વચ્ચે કોઈ અંગત અફેર છે. ઈન્ડસ્ટ્રીમાં ઘણા મોટા કલાકારો ઓછી ઉંમરની હીરોઈનો સાથે કામ કરતા આવ્યા છે. આ સાથે જ ગોવિંદાએ નારાજગી વ્યક્ત કરતાં કહ્યું કે સુનીતા તેમને ચાહકોની નજરમાં નીચા પાડવાની એક પણ તક જતી કરી રહી નથી.
