ગ્લોબલ માર્કેટમાં ક્રૂડ ઓઈલના ભાવમાં ઉછાળો : ભારતમાં પેટ્રોલ અને ડીઝલના ભાવમાં પણ વધારો જોવા મળ્યો
અમદાવાદ, શનિવાર : વૈશ્વિક બજારમાં કાચા તેલની કિંમતોમાં જબરદસ્ત ઉછાળો જોવા મળ્યો છે. મધ્યપૂર્વના ક્ષેત્રમાં વધી રહેલા તણાવ અને ઓપેકના નિર્ણયોને કારણે ક્રૂડ ઓઈલના ભાવમાં વધારો થયો છે. ખાસ કરીને, ઈઝરાયલ દ્વારા ઈરાન પર થયેલા હુમલા બાદ તેલના સપ્લાય અંગેની ચિંતાઓ વધી ગઈ છે. પરિણામે, WTI ક્રૂડ ઓઈલની કિંમત 9.22% વધીને 74.36 ડોલર પ્રતિ બેરલ પર પહોંચી ગઈ છે, જ્યારે બ્રેન્ટ ક્રૂડ ઓઈલની કિંમત 8.84% વધીને 75.49 ડોલર પ્રતિ બેરલ પર પહોંચી છે. આ વધારાની સીધી અસર ભારતીય બજાર પર જોવા મળી રહી છે.
ભારતના મહાનગરોમાં પેટ્રોલ અને ડીઝલના લેટેસ્ટ ભાવ
સરકારી તેલ કંપનીઓએ શુક્રવારે પેટ્રોલ-ડીઝલના નવા ભાવ જાહેર કર્યા છે. કેટલાક શહેરોમાં ભાવ સ્થિર રહ્યા છે, જ્યારે અન્ય શહેરોમાં ભાવમાં વધારો જોવા મળ્યો છે.
દિલ્હી: પેટ્રોલ 94.72 પ્રતિ લિટર અને ડીઝલ 87.62 પ્રતિ લિટર.
મુંબઈ: પેટ્રોલ 103.44 પ્રતિ લિટર અને ડીઝલ 89.97 પ્રતિ લિટર.
ચેન્નઈ: પેટ્રોલ 100.76 પ્રતિ લિટર અને ડીઝલ 92.35 પ્રતિ લિટર.
કોલકાતા: પેટ્રોલ 104.95 પ્રતિ લિટર અને ડીઝલ 91.76 પ્રતિ લિટર.
ગુજરાતના મુખ્ય શહેરોમાં પેટ્રોલ-ડીઝલના ભાવ
શહેર પેટ્રોલ (રૂ.) ડીઝલ (રૂ.)
અમદાવાદ 94.49 90.17
ભાવનગર 96.10 91.78
જામનગર 94.50 91.78
રાજકોટ 94.24 89.94
સુરત 94.72 90.41
વડોદરા 94.15 89.82
રોજ બદલાય છે પેટ્રોલ-ડીઝલના ભાવ
પેટ્રોલ અને ડીઝલના ભાવ દરરોજ સવારે 6 વાગ્યે અપડેટ થાય છે. આંતરરાષ્ટ્રીય બજારમાં ક્રૂડ ઓઈલના ભાવની સમીક્ષા કર્યા પછી ભારતીય ઓઈલ માર્કેટિંગ કંપનીઓ જેમ કે ઈન્ડિયન ઓઈલ, ભારત પેટ્રોલિયમ, અને હિન્દુસ્તાન પેટ્રોલિયમ દ્વારા ભાવ નક્કી કરવામાં આવે છે. મૂળ કિંમતમાં એક્સાઈઝ ડ્યુટી, ડીલર કમિશન અને વેટ ઉમેરવામાં આવતા ભાવ લગભગ બમણા થઈ જાય છે. આ કારણે, ગ્લોબલ માર્કેટમાં થતા નાના ફેરફારોની પણ ભારતીય ગ્રાહકો પર સીધી અસર પડે છે.
ઈંધણના ભાવમાં થયેલા આ વધારાથી સામાન્ય માણસના બજેટ પર વધારાનો બોજ પડી શકે છે. આગામી દિવસોમાં વૈશ્વિક બજારમાં તેલના ભાવ કઈ દિશામાં જાય છે અને તેની સ્થાનિક બજાર પર શું અસર થાય છે તે જોવાનું રહેશે.
