રાજ્યના કેટલાક વિસ્તારોમાં ભારેથી અતિભારે વરસાદ પડવાની શક્યતા છે, જેને પગલે સ્થાનિક વહીવટીતંત્રને એલર્ટ રહેવા જણાવાયું છે.
અમદાવાદ, સોમવાર
હવામાન વિભાગે આજે સોમવારે, અમદાવાદ સહિત ઉત્તર ગુજરાતના અન્ય છ જિલ્લાઓ માટે રેડ એલર્ટ જાહેર કર્યું છે. આ જિલ્લાઓમાં બનાસકાંઠા, પાટણ, મહેસાણા, સાબરકાંઠા, અરવલ્લી અને મહિસાગરનો સમાવેશ થાય છે. આ વિસ્તારોમાં ભારેથી અતિભારે વરસાદ પડવાની શક્યતા છે, જેને પગલે સ્થાનિક વહીવટીતંત્રને એલર્ટ રહેવા જણાવાયું છે.
12 જિલ્લાઓમાં ઓરેન્જ એલર્ટ
આ ઉપરાંત, હવામાન વિભાગે 12 જિલ્લાઓ માટે ઓરેન્જ એલર્ટ પણ જાહેર કર્યું છે, જ્યાં અતિભારે વરસાદની શક્યતા છે. આ જિલ્લાઓમાં ગાંધીનગર, ખેડા, આણંદ, પંચમહાલ, દાહોદ, નવસારી, વલસાડ, દમણ, દાદરા નગર હવેલી, સૌરાષ્ટ્રના સુરેન્દ્રનગર અને કચ્છનો સમાવેશ થાય છે. આ વિસ્તારોમાં પણ સાવચેતી રાખવાની સલાહ આપવામાં આવી છે.
આ જિલ્લાઓમાં ભારે વરસાદની આગાહી
હવામાન વિભાગની આગાહી મુજબ, નીચે મુજબના જિલ્લાઓમાં ભારે વરસાદની શક્યતા છે અને તેમના માટે યલો એલર્ટ અપાયું છે.
* મધ્ય ગુજરાત: આણંદ, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી
* સૌરાષ્ટ્ર: અમરેલી, ભાવનગર, બોટાદ, મોરબી
