આ લિસ્ટ અને એડમિશન અંગેની વધુ માહિતી માટે ઉમેદવારોએ ACPUGMECની ઓફિશિયલ વેબસાઇટ medadmgujarat.org નિયમિતપણે જોતા રહેવું જરૂરી છે.
અમદાવાદ, શુક્રવાર
નેશનલ એલિજિબિલિટી કમ એન્ટ્રન્સ ટેસ્ટ (NEET UG) 2025ના પરિણામોએ ગુજરાત માટે ખુશીનો માહોલ લાવી દીધો છે. એડમિશન કમિટી ફોર પ્રોફેશનલ અંડર ગ્રેજ્યુએટ મેડિકલ એજ્યુકેશનલ કોર્સ દ્વારા જાહેર થયેલા પ્રોવિઝનલ જનરલ મેરિટ લિસ્ટમાં રાજ્યના 6 ઉમેદવારોએ ઓલ ઇન્ડિયા રેન્કિંગમાં ટોપ 100માં સ્થાન મેળવીને રાજ્યનું ગૌરવ વધાર્યું છે.
પ્રોવિઝનલ મેરિટ લિસ્ટ જાહેર
NEET UG 2025ની પરીક્ષા આપનારા ગુજરાતના કુલ 24,374 ઉમેદવારોનું મેરિટ લિસ્ટ ACPUGMEC દ્વારા જાહેર કરવામાં આવ્યું છે. આ લિસ્ટમાં ઓલ ઇન્ડિયા ટોપ 100માં સ્થાન મેળવનાર 6 સ્ટુડન્ટ્સમાં યગ્નેશ દેસાઈ 41મા ક્રમે છે, જે ગુજરાત માટે એક મોટી સિદ્ધિ છે. આ મેરિટ લિસ્ટ MBBS અને BDS જેવા કોર્સિસમાં 2025-26ના એકેડેમિક યર માટે એડમિશન પ્રોસેસનો પહેલો સ્ટેપ છે.
આગળની એડમિશન પ્રક્રિયા ટૂંક સમયમાં શરૂ થશે
આ પ્રોવિઝનલ મેરિટ લિસ્ટ જાહેર થયા બાદ હવે ACPUGMEC દ્વારા આગળની એડમિશન પ્રોસેસ હાથ ધરવામાં આવશે. ઉમેદવારોને તેમના કેટેગરી રેન્ક અને કેટેગરી મેરિટ લિસ્ટ રેન્ક સાથેની વિગતો પણ આપવામાં આવી છે, જે તેમને કોલેજ સિલેક્શનમાં મદદ કરશે.
