વડાપ્રધાન મોદી વિરુદ્ધ અભદ્ર ટિપ્પણી કરનાર સગીરા સામે દિલ્હી પોલીસે કેસ પાછો ખેંચ્યો છે. પીએમ મોદીની ઉદારતા અને સગીરાની માફીને ધ્યાનમાં રાખીને આ નિર્ણય લેવામાં આવ્યો છે.
દિલ્હી પોલીસે જંતર-મંતર પર વડાપ્રધાન નરેન્દ્ર મોદી વિરુદ્ધ અભદ્ર ભાષાનો ઉપયોગ કરનાર 15 વર્ષીય સગીરા સામેની કાયદાકીય કાર્યવાહી ન કરવાનો નિર્ણય લીધો છે.
વડાપ્રધાનની માફી:
વડાપ્રધાન નરેન્દ્ર મોદીએ જાહેરમાં અપીલ કરી હતી કે આ પ્રકારની ઘટનાઓમાં સામેલ યુવાનો “ભટકેલા બાળકો” છે અને તેમને સજા આપવાને બદલે તેમને માર્ગદર્શન આપવું જોઈએ. તેમણે સ્પષ્ટ કર્યું હતું કે તેઓ આવા યુવાનોને માફ કરવા માંગે છે.ઘટના બાદ, આ સગીરાએ એક વીડિયો જાહેર કરીને પોતાની ભૂલ બદલ દેશની માફી માંગી હતી. તેણે જણાવ્યું હતું કે તે ભીડમાં પ્રભાવિત થઈ ગઈ હતી અને તેણે કરેલી ટિપ્પણીઓ તેની “પ્રથમ અને અંતિમ ભૂલ” હતી.
પરિવારની અપીલ:
સગીરાની માતાએ પણ વડાપ્રધાનનો આભાર માનતા જણાવ્યું હતું કે વડાપ્રધાને તેમની દીકરીને “જીવતદાન” આપ્યું છે અને તેમણે વહીવટીતંત્રને સગીરા સામેની FIR પાછી ખેંચવાની વિનંતી કરી હતી.વડાપ્રધાનની ઉદારતા અને સગીર વયને ધ્યાનમાં રાખીને, દિલ્હી પોલીસે આ મામલે આગળ કોઈ પણ કાયદાકીય કાર્યવાહી ન કરવાનો નિર્ણય લીધો છે.આ સમગ્ર મામલો જંતર-મંતર પર યોજાયેલા વિરોધ પ્રદર્શન દરમિયાન સોશિયલ મીડિયા પર વાયરલ થયેલા એક વીડિયો બાદ ચર્ચામાં આવ્યો હતો.
