કલાકારોએ પ્રચલિત ગરબા, બેડા ગરબા, માતાજીના મોડર્ન ગરબા અને ગરબા મેહુલ રજૂ કરીને ગુજરાતની સમૃદ્ધ સાંસ્કૃતિક વિરાસતનું પ્રદર્શન કર્યું હતું.
ગાંધીનગર, શનિવાર
ગુજરાત સરકારે રશિયાની રાજધાની મોસ્કો ખાતે આયોજિત ભારત ઉત્સવ – ભારત સંગમ અને સેન્ટ પીટર્સબર્ગ ખાતે ઇન્ડિયા ધન મોસ્કો જેવા આંતરરાષ્ટ્રીય સાંસ્કૃતિક કાર્યક્રમો દ્વારા ભારતીય સંસ્કૃતિ, ખાસ કરીને ગરબાની ગરિમા રશિયન દર્શકો સુધી પહોંચાડીને તેમના દિલ જીતી લીધા છે.
રમતો ગમત, યુવા સેવા અને સાંસ્કૃતિક પ્રવૃત્તિઓ વિભાગ, ગુજરાત સરકારના કમિશનર, યુવા સેવા અને સાંસ્કૃતિક પ્રવૃત્તિઓના નિયામક અને ગાંધીનગરની રાજકન્યા યુવરાણી ગરબા કલાવૃંદના કોરિયોગ્રાફર દ્વારા પ્રત્યક્ષ માર્ગદર્શન હેઠળ, રાજ્યના શ્રેષ્ઠ ગરબા કલાકારોની ટીમને આંતરરાષ્ટ્રીય સ્તરે ગુજરાતનું પ્રતિનિધિત્વ કરવા માટે પસંદ કરવામાં આવી હતી.
આ ટીમમાં મુખ્ય કલાકારો તરીકે સુશ્રી નેહલ, ગાર્ગી ઠક્કર, કરિશ્મા શાહ, માલવિકા બારીયા, ડૉ. અનૂષા પુરોહિત, પરતી કટ્ટોડી, અન્વી શાહ, ખુશ્બુ જોષી, કેતા દેસાઈ, હેમશી ઓડેદરા, પ્રાચી સાલ્વી અને સ્નેહલ પટેલનો સમાવેશ થાય છે. આ કલાકારોએ પ્રચલિત ગરબા, બેડા ગરબા, માતાજીના મોડર્ન ગરબા અને ગરબા મેહુલ રજૂ કરીને ગુજરાતની સમૃદ્ધ સાંસ્કૃતિક વિરાસતનું પ્રદર્શન કર્યું હતું.
મોસ્કોમાં આયોજિત આંતરરાષ્ટ્રીય સ્તરના કાર્યક્રમોમાં ગુજરાતના ગરબા કલાકારોએ જીવંત પ્રસ્તુતિ આપીને રશિયન નાગરિકો અને સેન્ટ પીટર્સબર્ગના વિદ્યાર્થીઓના હૃદય જીતી લીધા હતા. આ પ્રસ્તુતિઓ ભારત સંગમ અને વસુધૈવ કુટુંબકમ્ના આદેશને ચરિતાર્થ કરતી હતી, જે સાંસ્કૃતિક કલાપ્રસ્તુતિ દ્વારા ભારત-રશિયાના મૈત્રીપૂર્ણ સંબંધોને વધુ મજબૂત બનાવશે.
આ સમગ્ર આયોજનમાં ભારતીય દૂતાવાસના નીલમ રાણા, કુલદીપ આર્ય સાહેબ, ગુજરાત સરકારના રમતો ગમત, યુવા સેવા અને સાંસ્કૃતિક પ્રવૃત્તિઓ વિભાગ તથા કમિશનર, યુવા સેવા અને સાંસ્કૃતિક શ્રેણીની પસંદગી અને ઉત્તમ આયોજન દ્વારા સાંસ્કૃતિક આદાનપ્રદાનને સીમાચિહ્નરૂપ બનાવવામાં આવ્યું હતું.
