ગુજરાત હાઇકોર્ટે વચગાળાનો ચુકાદો આપીને રાજ્યની પ્રાથમિક શાળાઓમાં ૧૦ હજાર વિદ્યાસહાયકોની તબક્કાવાર નિમણૂક કરવાની મંજૂરી આપી દીધી છે, જ્યારે હાઇકોર્ટમાં અરજી કરનાર ૭૦૦થી વધુ ઉમેદવારોની જગ્યાઓ હાલ અનામત રાખવામાં આવશે.
રાજ્યની સરકારી પ્રાથમિક શાળાઓમાં શિક્ષકોની અછત દૂર કરવા તેમજ લાંબા સમયથી નિમણૂકની રાહ જોઈ રહેલા ઉમેદવારો માટે રાહતના સમાચાર સામે આવ્યા છે. પ્રાથમિક વિભાગમાં વિદ્યાસહાયકોની ભરતીને લઈને ચાલી રહેલા કાનૂની વિવાદ વચ્ચે ગુજરાત હાઇકોર્ટે વચગાળાનો ચુકાદો આપતા રાજ્યમાં 10 હજાર વિદ્યાસહાયકોની નિમણૂક કરવાની મંજૂરી આપી દીધી છે. જોકે, હાઇકોર્ટમાં અરજી કરનાર ૭૦૦થી વધુ ઉમેદવારોની જગ્યાઓ અનામત રાખીને આ નિમણૂકો આપવામાં આવશે.
સમગ્ર મામલો અને વિવાદની વિગતો
TET 1 પરીક્ષા આધારિત ભરતી: TET 1 પરીક્ષાના આધારે વિદ્યાસહાયકોની ભરતી પ્રક્રિયા હાથ ધરવામાં આવી હતી.: ભરતી પ્રક્રિયા દરમિયાન કેટલાક ઉમેદવારોને ગેરલાયક ઠેરવવામાં આવતા અને નિયમો સામે વાંધો ઉઠાવતા ફેબ્રુઆરીમાં હાઇકોર્ટમાં અરજીઓ દાખલ કરવામાં આવી હતી, જેના કારણે ૬ મહિનાથી આ સમગ્ર પ્રક્રિયા અટવાઈ હતી.
સરકારનો વચગાળાનો પ્રસ્તાવ:
મહિનાઓથી ચાલી રહેલા વિવાદનો અંત લાવવા સરકારે કોર્ટમાં પ્રસ્તાવ મૂક્યો હતો કે અરજી કરનાર ૭૦૦થી વધુ ઉમેદવારોની જગ્યાઓ હાલ ખાલી રાખીને બાકીની જગ્યાઓ પર નિમણૂક કરવાની પરવાનગી આપવામાં આવે, જેને કોર્ટે માન્ય રાખી છે.
નિમણૂક અને ભવિષ્યનું આયોજન
તબક્કાવાર નિમણૂક પત્રો: હાઇકોર્ટની લીલી ઝંડી મળતા હવે ૧૧ હજારમાંથી આશરે ૧૦ હજાર વિદ્યાસહાયકોને તબક્કાવાર નિમણૂક પત્રો આપવામાં આવશે.
આગામી નવી ભરતી:
સુનાવણી દરમિયાન સરકારે રજૂઆત કરી હતી કે અરજી કરનાર ઉમેદવારોના હિતોનું ધ્યાન રખાશે અને શિક્ષણ વિભાગ દ્વારા આગામી સમયમાં એટલે કે ૨૦૨૭ દરમિયાન વધારાના ૫ હજાર પદો પર નવી ભરતીનું પણ આયોજન કરવામાં આવ્યું છે.
