અત્યારની પરિસ્થિતિ જોતા લાગે છે કે ગુજરાતમાં વરસાદી માહોલ ફરી જામવા માટે હજુ થોડી રાહ જોવી પડશે. હાલ માટે, ખેડૂતો અને સામાન્ય નાગરિકો સૌ સારા વરસાદની રાહ જોઈ રહ્યા છે.
ગાંધીનગર, શુક્રવાર
ગુજરાતમાં ચોમાસાની સિસ્ટમ હાલ નબળી પડી હોય તેવું લાગી રહ્યું છે. છેલ્લા કેટલાક દિવસથી વરસાદની માત્રા અને વિસ્તાર બંને ઘટ્યા છે. રાજ્યમાં મોટા ભાગના વિસ્તારોમાં વરસાદ માત્ર હળવા ઝાપટાં પૂરતો જ સીમિત રહ્યો છે. સ્ટેટ ઇમરજન્સી ઓપરેશન સેન્ટર દ્વારા જાહેર કરવામાં આવેલા લેટેસ્ટ ડેટા પ્રમાણે, છેલ્લા 24 કલાકમાં રાજ્યના 92 તાલુકામાં વરસાદ નોંધાયો છે, પરંતુ તેમાંથી માત્ર બે જ તાલુકામાં નોંધપાત્ર વરસાદ પડ્યો છે.
ભાવનગરના આ બે તાલુકામાં મેઘ મહેર
છેલ્લા 24 કલાક દરમિયાન સૌથી વધુ વરસાદ ભાવનગર જિલ્લાના બે તાલુકાઓમાં નોંધાયો છે. જેમાં ગાળિયાધારમાં સૌથી વધુ 2.13 ઇંચ અને સિહોરમાં 1.81 ઇંચ વરસાદ પડ્યો છે. આ આંકડા સ્પષ્ટ બતાવે છે કે વરસાદ હવે રાજ્યના મોટાભાગના વિસ્તારોમાંથી ગાયબ થઈ ગયો છે.
90 તાલુકામાં 1 ઇંચથી ઓછો વરસાદ
ખાસ કરીને, રાજ્યના 92માંથી 90 તાલુકા એવા છે જ્યાં 1 ઇંચ કરતા પણ ઓછો વરસાદ નોંધાયો છે. આ 90 તાલુકાઓમાં પણ 30 તાલુકામાં તો માત્ર વરસાદની હાજરી જ જોવા મળી છે. એટલે કે, અહીં માત્ર 1 થી 2 mm વરસાદ પડ્યો છે, જેને આપણે ના માત્ર વરસાદ કહી શકીએ.
