આ પ્રોજેક્ટથી ગુજરાત અને મહારાષ્ટ્ર વચ્ચેની કનેક્ટિવિટીમાં ક્રાંતિકારી પરિવર્તન આવશે, મુસાફરીનો સમય ઘટશે અને આર્થિક વિકાસને વેગ મળશે. દમણ ગંગા નદી પરના આ બ્રિજનું નિર્માણ સમયસર પૂર્ણ થવું એ સમગ્ર પ્રોજેક્ટની પ્રગતિ માટે એક પોઝિટિવ સાઈન છે.
અમદાવાદ, બુધવાર
ભારતના સૌથી મહત્વાકાંક્ષી ઈન્ફ્રાસ્ટ્રક્ચર પ્રોજેક્ટ પૈકી એક, મુંબઈ-અમદાવાદ હાઈ-સ્પીડ રેલ (MAHSR) કોરિડોર પર વધુ એક માઈલસ્ટોન હાંસલ થયો છે. ગુજરાતના વલસાડ જિલ્લામાં આવેલી દમણ ગંગા નદી પર બુલેટ ટ્રેન માટેનો મહત્ત્વપૂર્ણ પુલ બનાવવાનું કામ સફળતાપૂર્વક પૂર્ણ થઈ ગયું છે. આ બ્રિજ પ્રોજેક્ટ અંતર્ગત પૂરો કરવામાં આવેલો 16મો નદી બ્રિજ છે.
આ સિદ્ધિ સાથે, વલસાડ જિલ્લા માં પ્રોજેક્ટ માટે નિર્ધારિત તમામ 5 નદી પુલોનું કન્સ્ટ્રક્શન સંપૂર્ણ થઈ ગયું છે. આ એક મોટી સિદ્ધિ છે, કારણ કે કુલ 25 નદી પુલો સમગ્ર કોરિડોર પર બાંધવામાં આવી રહ્યા છે, જેમાંથી ગુજરાતમાં 21 નદી પુલોનું પ્લાનિંગ કરવામાં આવ્યું છે.
પ્રોજેક્ટની વિગતો
વલસાડ જિલ્લામાં MAHSR રૂટ લગભગ 56 કિલોમીટર લાંબો છે, જેમાં દાદરા અને નગર હવેલીનો 4.3 કિલોમીટરનો હિસ્સો પણ સામેલ છે. આ રૂટ જરોલી ગામથી શરૂ થઈને વાઘલધારા ગામમાં સમાપ્ત થાય છે. આ સ્ટ્રેચમાં વાપી બુલેટ ટ્રેન સ્ટેશન, એક 350 મીટર લાંબી ટનલ, 5 નદી પુલો અને 1 PSC બ્રિજ 210 મીટરનો સમાવેશ થાય છે.
આ પ્રોજેક્ટથી ગુજરાત અને મહારાષ્ટ્ર વચ્ચેની કનેક્ટિવિટીમાં ક્રાંતિકારી પરિવર્તન આવશે, મુસાફરીનો સમય ઘટશે અને આર્થિક વિકાસને વેગ મળશે. દમણ ગંગા નદી પરના આ બ્રિજનું નિર્માણ સમયસર પૂર્ણ થવું એ સમગ્ર પ્રોજેક્ટની પ્રગતિ માટે એક પોઝિટિવ સાઈન છે.
