ફ્રાન્સના ભવિષ્યવક્તા નોસ્ત્રાદમસની 2026 માટેની ખતરનાક ભવિષ્યવાણીઓ વાઇરલ! જાણો ત્રીજા વિશ્વ યુદ્ધ, AI શાસન અને વૈશ્વિક આર્થિક સંકટ વિશેની ડરામણી આગાહીઓ.
અમદાવાદ, રવિવાર
નવું વર્ષ 2026 શરૂ થવામાં હવે થોડો જ સમય બાકી છે, ત્યારે દુનિયાભરમાં એક જ સવાલ ચર્ચાઈ રહ્યો છે કે આવનારું વર્ષ કેવું રહેશે? હાલમાં ચાલી રહેલા રશિયા-યુક્રેન યુદ્ધ અને વિશ્વભરમાં વધતી મોંઘવારી વચ્ચે, લગભગ 500 વર્ષ પહેલાં ફ્રાન્સના પ્રખ્યાત ભવિષ્યવક્તા નોસ્ત્રાદમસ દ્વારા કરવામાં આવેલી આગાહીઓએ ફરી એકવાર લોકોનું ધ્યાન ખેંચ્યું છે. સોશિયલ મીડિયા પર વાઇરલ થયેલી આ ભવિષ્યવાણીઓ વર્ષ 2026 માટે ખૂબ જ ચિંતાજનક સંકેતો આપી રહી છે. ચાલો જાણીએ એ 7 મોટી આગાહીઓ વિશે જેણે દુનિયાને ચિંતામાં મૂકી દીધી છે.
1. ત્રીજા વિશ્વયુદ્ધનો ખતરો
નોસ્ત્રાદમસની આગાહી અનુસાર, વર્ષ 2026 ના મધ્યમાં ત્રીજા વિશ્વયુદ્ધની શરૂઆત થઈ શકે છે. તેમણે સંકેત આપ્યો હતો કે ધર્મ અને રાષ્ટ્રવાદના મુદ્દે દેશો વચ્ચે તણાવ એટલો વધી જશે કે લોકો એકબીજાના દુશ્મન બની જશે. પૂર્વના દેશોમાં હાલ જે પ્રકારની પરિસ્થિતિ નિર્માણ પામી રહી છે, તે જોતાં આ આગાહી સાચી પડવાની આશંકા વધી રહી છે.
2. સમુદ્રમાં મોટો સંઘર્ષ અને રાજકીય ઉથલપાથલ
આગાહી મુજબ, 2026 માં સમુદ્રમાં કોઈ મોટી સૈન્ય ઘટના બની શકે છે, જે શક્તિશાળી દેશોને સીધા યુદ્ધમાં ધકેલી શકે છે. નોસ્ત્રાદમસે લખ્યું હતું કે જેવી કોઈ મોટી સમુદ્રી શક્તિનો નાશ થશે, તેની સાથે જ આખી દુનિયાના રાજકીય સમીકરણોમાં ધરખમ ફેરફાર આવશે.
3. આર્થિક મંદીનો માર અને સત્તાપલટો
અમેરિકા અને બ્રિટન જેવા મોટા અને વિકસિત દેશો માટે 2026 નું વર્ષ ખૂબ જ મુશ્કેલ સાબિત થઈ શકે છે. ભવિષ્યવાણી કહે છે કે આ દેશોમાં ભયંકર આર્થિક સંકટ આવશે. મોંઘવારી સામાન્ય માણસની કમર તોડી નાખશે અને જનતામાં ફેલાયેલા ગુસ્સાને કારણે ઘણા મોટા નેતાઓને પોતાની સત્તા છોડવી પડી શકે છે.
4. પ્રકૃતિનો પ્રકોપ: દુષ્કાળ અને વિનાશક પૂર
પર્યાવરણની દ્રષ્ટિએ પણ 2026 તબાહીનું વર્ષ બની શકે છે. આગાહીમાં કહેવાયું છે કે ભયંકર ગરમીને કારણે દુનિયાના ઘણા વિસ્તારોમાં દુષ્કાળની સ્થિતિ સર્જાશે. ત્યારબાદ અચાનક એટલો ભારે વરસાદ પડશે કે ચારે બાજુ વિનાશક પૂર જોવા મળશે. દરિયાની સપાટી વધવાને કારણે દરિયાકાંઠાના શહેરોને મોટું નુકસાન થઈ શકે છે.
5. AI લેશે માણસની જગ્યા: સરકારો પણ બનશે ગુલામ?
સૌથી ચોંકાવનારી ભવિષ્યવાણી આર્ટિફિશિયલ ઇન્ટેલિજન્સ (AI) ને લઈને છે. એવું કહેવાયું છે કે 2026 થી AI માત્ર માણસનું મદદગાર નહીં, પરંતુ નિર્ણયો લેનારી મુખ્ય શક્તિ બની જશે. સરકારો અને મોટી સંસ્થાઓ માનવીય ભાવનાઓને બાજુ પર મૂકીને AI ના તર્કના આધારે નિર્ણયો લેશે, જેનાથી સામાન્ય માણસને લાગશે કે તેનું નિયંત્રણ હવે પોતાના હાથમાં નથી રહ્યું.
6. પરમાણુ હુમલાની ચેતવણી અને મંગળ મિશન પર ગ્રહણ
નોસ્ત્રાદમસના સંકેતો મુજબ, કોઈ મોટો દેશ પરમાણુ હુમલાની દિશામાં આગળ વધી શકે છે, જે સમગ્ર માનવતા માટે ખતરો બનશે. આ સિવાય, અંતરિક્ષ ક્ષેત્રે પણ ખરાબ સમાચાર મળી શકે છે. ખાસ કરીને મંગળ ગ્રહ પર મોકલવામાં આવનારા મિશનમાં મોટી નિષ્ફળતા અથવા અવરોધ આવવાની શક્યતા વ્યક્ત કરવામાં આવી છે.
7. ભૂખમરો અને મોંઘવારીનો ડબલ એટેક
દુનિયાભરમાં ઘઉં અને અન્ય અનાજના ભાવ આસમાને પહોંચી શકે છે. જે રીતે 2022 માં રશિયા-યુક્રેન યુદ્ધને કારણે સપ્લાય ચેઇન તૂટી હતી અને મોંઘવારી વધી હતી, તેવી જ અથવા તેનાથી પણ ખરાબ સ્થિતિ 2026 માં જોવા મળી શકે છે.
જોકે, એ યાદ રાખવું જરૂરી છે કે નોસ્ત્રાદમસની ભવિષ્યવાણીઓ હંમેશા સાંકેતિક ભાષામાં હોય છે અને તેમાં કોઈ ચોક્કસ તારીખ કે સમયનો ઉલ્લેખ નથી હોતો. પરંતુ દુનિયાની વર્તમાન પરિસ્થિતિઓને જોતાં લોકો આ આગાહીઓને ગંભીરતાથી લઈ રહ્યા છે અને ભવિષ્યને લઈને ચિંતિત છે.
