પગનીએ તેના માલિકના 70માં જન્મદિવસ નિમિત્તે 350 kmph ની ટોપ સ્પીડ ધરાવતી ‘હુઆયરા 70 ડેરેચો’ હાઈપરકાર લોન્ચ કરી છે, જે તેના પાવરફુલ V12 એન્જિન માટે જાણીતી છે.
વૈશ્વિક સ્તરે લક્ઝરી કારની વધતી જતી માંગ વચ્ચે, જાણીતી હાઈપરકાર ઉત્પાદક કંપની ‘પગની’ (Pagani) એ પોતાની એક અત્યંત ખાસ અને નાયબ કાર Pagani Huayra 70 Derecho રજૂ કરીને દુનિયાભરમાં ચર્ચા જગાવી છે. આ અદભૂત કારને ‘ગુડવુડ ફેસ્ટિવલ ઓફ સ્પીડ 2026’ માં પ્રદર્શિત કરવામાં આવી રહી છે.
ખાસ પ્રસંગ અને પ્રેરણા
આ કારનું નામ અમેરિકામાં આવેલા વિનાશક વાવાઝોડા ‘ડેરેચો’ (Derecho) પરથી રાખવામાં આવ્યું છે. આ કાર કંપનીના માલિક હોરાસિયો પગનીના 70માં જન્મદિવસની ઉજવણીના ભાગરૂપે તૈયાર કરવામાં આવી છે. તે ખાસ ‘ગ્રાન્ડી કોમ્પ્લીકાઝિયોની’ (Grandi Complicazioni) ડિવિઝન દ્વારા તૈયાર કરાયેલી ત્રણ કસ્ટમાઇઝ્ડ કારની શ્રેણીનું બીજું મોડેલ છે.
લૂક અને ડિઝાઇન
- રંગ: આ હાઈપરકાર પર્લ ઓરેન્જ અને બ્લુ ડ્યુઅલ-ટોન કલર કોમ્બિનેશનમાં છે.
- કાર્બન ફાઈબર: પેન્ટની નીચેથી કાર્બન ફાઈબરની ડિઝાઈન સ્પષ્ટ દેખાય છે, જે તેને સ્પોર્ટી અને આક્રમક લૂક આપે છે.
- ઈન્ટિરિયર: કારના કેબિનમાં સિરામિક વ્હાઇટ અને ટ્રાય-કલર બ્લુ લેધરનો ઉપયોગ કરવામાં આવ્યો છે.
પાવરફુલ એન્જિન અને પરફોર્મન્સ
- એન્જિન: આ કારમાં મર્સિડીઝ-AMG સાથે મળીને તૈયાર કરાયેલું 6,000 cc નું ટ્વિન-ટર્બો V12 એન્જિન છે.
- પાવર: આ એન્જિન 876 bhp ની તાકાત અને 1,100 Nm નો ટોર્ક ઉત્પન્ન કરે છે.
- ગિયરબોક્સ: ડ્રાઈવિંગના અનુભવ માટે તેમાં 7-સ્પીડ મેન્યુઅલ ગિયરબોક્સ આપવામાં આવ્યું છે.
- ટોપ સ્પીડ: આ કાર 350 kmph ની ઝડપે દોડી શકે છે.
