આ ફિલ્મમાં રણબીર કપૂર મુખ્ય ભૂમિકામાં જોવા મળશે. ફિલ્મની થિયેટર રિલીઝ પહેલાં તેના પ્રમોશન માટે મેકર્સે એક અનોખી પહેલ શરૂ કરી છે, જેના દ્વારા તેઓ દેશભરના લાખો વિદ્યાર્થીઓને આ મહાકાવ્યની વિરાસત સાથે જોડશે.
બોલિવૂડના દિગ્ગજ નિર્દેશક નિતેશ તિવારી અને નિર્માતા નમિત મલ્હોત્રાની બહુપ્રતિક્ષિત ફિલ્મ ‘રામાયણ’ને લઈને ચાહકોમાં ભારે ઉત્સુકતા જોવા મળી રહી છે. આ ફિલ્મમાં રણબીર કપૂર મુખ્ય ભૂમિકામાં જોવા મળશે. ફિલ્મની થિયેટર રિલીઝ પહેલાં તેના પ્રમોશન માટે મેકર્સે એક અનોખી પહેલ શરૂ કરી છે, જેના દ્વારા તેઓ દેશભરના લાખો વિદ્યાર્થીઓને આ મહાકાવ્યની વિરાસત સાથે જોડશે.
સ્કૂલ કેમ્પેઈનનો ઉદ્દેશ્ય
૯ જુલાઈથી દેશભરમાં એક વિશાળ સ્કૂલ કેમ્પેઈન શરૂ કરવામાં આવ્યું છે. “અમારું સત્ય, અમારો ઈતિહાસ” થીમ પર આધારિત આ અભિયાનનો મુખ્ય ઉદ્દેશ્ય નવી પેઢીને ‘રામાયણ’ના મૂલ્યો અને તેની સંસ્કૃતિ સાથે સીધી રીતે જોડવાનો છે. આ કેમ્પેઈન ૧૮ શહેરોની ૪૦૦થી વધુ શાળાઓમાં ચલાવવામાં આવશે, જેના દ્વારા ૫ લાખથી વધુ વિદ્યાર્થીઓ સુધી પહોંચવાનું લક્ષ્ય રાખવામાં આવ્યું છે. આ અભિયાન દરમિયાન વિદ્યાર્થીઓ માટે ડ્રોઈંગ, ક્વિઝ, ક્રિએટિવ એક્ટિવિટીઝ અને ઈન્ટરેક્ટિવ ચર્ચા જેવી વિવિધ પ્રવૃત્તિઓનું આયોજન કરવામાં આવશે.
ટ્રેલર અને રિલીઝની માહિતી
ફિલ્મના પ્રોડક્શનની વાત કરીએ તો, નમિત મલ્હોત્રાનું પ્રાઈમ ફોકસ સ્ટુડિયો, ડીએનઈજી (DNEG) અને યશનું મોન્સ્ટર માઈન્ડ ક્રિએશન્સ સંયુક્ત રીતે આ પ્રોજેક્ટ બનાવી રહ્યા છે. મીડિયા રિપોર્ટ્સ મુજબ, ફિલ્મનું ટ્રેલર ૧૮ જુલાઈના રોજ દિલ્હીમાં એક ભવ્ય ઈવેન્ટમાં રિલીઝ કરવામાં આવશે.
બે ભાગમાં થશે રિલીઝ
નિર્દેશક નિતેશ તિવારીની આ મહત્વાકાંક્ષી ફિલ્મ બે ભાગમાં રજૂ કરવામાં આવશે. આ ફિલ્મ વિશ્વભરમાં આઈમેક્સ (IMAX) ફોર્મેટમાં રિલીઝ થશે. ફિલ્મના પ્રથમ ભાગને ૨૦૨૬ની દિવાળી પર અને બીજા ભાગને ૨૦૨૭ની દિવાળી પર રિલીઝ કરવાની યોજના બનાવવામાં આવી છે. આ ફિલ્મે તેની ભવ્યતા અને કાસ્ટિંગને કારણે અત્યારથી જ ચર્ચાઓ જગાવી છે.
