આ ડિજિટલ એરેસ્ટ સ્કેમમાં સ્કેમર્સ પોતે પોલીસ ઓફિસર, CBI ઓફિસર કે અન્ય સરકારી અધિકારી તરીકે રજૂ કરતા હતા. તેઓ ટાર્ગેટને ફોન કરીને અથવા મેસેજ કરીને જણાવતા કે તેમના પર કોઈ ક્રિમિનલ કેસ થયો છે અથવા તેમના એકાઉન્ટમાંથી કોઈ ગેરકાયદેસર ટ્રાન્ઝેક્શન થયું છે.
ગાંધીનગર, શનિવાર
સાયબર ક્રાઈમ અને ફ્રોડના કિસ્સાઓ સતત વધી રહ્યા છે, ત્યારે ગાંધીનગરમાં એક મોટો ડિજિટલ એરેસ્ટ સ્કેમ સામે આવ્યો છે. આ સ્કેમમાં કથિત રીતે 19 કરોડ રૂપિયાની છેતરપિંડી આચરવામાં આવી છે. આ કેસમાં પોલીસે 8 આરોપીઓની ધરપકડ કરી છે. આ કેસની તપાસ હાલ ચાલી રહી છે, પરંતુ પ્રાથમિક માહિતી મુજબ, આરોપીઓએ લોકોને “ડિજિટલ એરેસ્ટ”ના નામે ડરાવીને અનેક લોકો પાસેથી મોટી રકમ પડાવી હતી.
શું હતો આ ડિજિટલ એરેસ્ટ સ્કેમ?
આ ડિજિટલ એરેસ્ટ સ્કેમમાં સ્કેમર્સ પોતે પોલીસ ઓફિસર, CBI ઓફિસર કે અન્ય સરકારી અધિકારી તરીકે રજૂ કરતા હતા. તેઓ ટાર્ગેટને ફોન કરીને અથવા મેસેજ કરીને જણાવતા કે તેમના પર કોઈ ક્રિમિનલ કેસ થયો છે અથવા તેમના એકાઉન્ટમાંથી કોઈ ગેરકાયદેસર ટ્રાન્ઝેક્શન થયું છે. જો પીડિત સહકાર નહીં આપે તો તેમને “ડિજિટલી એરેસ્ટ” કરવાની ધમકી આપવામાં આવતી હતી. આ ડરનો લાભ ઉઠાવીને, સ્કેમર્સ પીડિતો પાસેથી પૈસા ટ્રાન્સફર કરાવતા હતા અથવા તેમની બેંક ડિટેલ્સ મેળવી લેતા હતા. આ કેસમાં 19 કરોડ રૂપિયાનું ફ્રોડ થયું હોવાનો અંદાજ છે.
8 આરોપીઓની ધરપકડ: વધુ તપાસ શરૂ
ગાંધીનગર પોલીસે આ મેગા સ્કેમનો પર્દાફાશ કરીને 8 આરોપીઓને અરેસ્ટ કર્યા છે. આ આરોપીઓ ક્યાંથી ઓપરેટ કરતા હતા અને તેમની મોડસ ઓપરેન્ડી શું હતી તે અંગે વધુ તપાસ ચાલી રહી છે. પોલીસનું કહેવું છે કે આ રેકેટ એક મોટો સાયબર ક્રાઈમ નેટવર્ક હોઈ શકે છે. આ ધરપકડથી આવા સ્કેમર્સને સબક મળશે અને સામાન્ય જનતાને સાયબર ફ્રોડથી બચાવવામાં મદદ મળશે.
