આ ઘટના દર્શાવે છે કે ભારત સરકાર દ્વારા વિસ્થાપિત લોકોને કાયદેસરની ઓળખ અને આશ્રય આપવાના પ્રયાસો ચાલુ છે, જે તેમના જીવનમાં મોટો સકારાત્મક બદલાવ લાવે છે.
જોધપુર, શુક્રવાર
રાજસ્થાનના જોધપુરમાં 19 જૂને 964 પાકિસ્તાની શરણાર્થીઓને ભારતીય નાગરિકતા આપવામાં આવી હતી. ભારત સરકાર દ્વારા તેમને ભારતીય નાગરિકતાનું સર્ટિફિકેટ સોંપવામાં આવતા, આ તમામ લોકોના ચહેરા પર સંતોષ અને અનેરો આનંદ જોવા મળ્યો હતો. સર્ટિફિકેટ મળતાની સાથે જ ઘણા નવા નાગરિકોની આંખો ભીની થઈ ગઈ હતી, કારણ કે આ પહેલીવાર હતું કે તેમને કોઈ દેશના પ્રમાણિત નાગરિક તરીકે ઓળખ અને સન્માન મળ્યું હોય.
પાકિસ્તાનથી આવેલા આ શરણાર્થીઓ લાંબા સમયથી પોતાની ઓળખ માટે સંઘર્ષ કરી રહ્યા હતા. હવે તેમને ભારતની નાગરિકતા મળતા તેમની આ ઓળખની લડાઈનો અંત આવ્યો છે. સ્વાભાવિક છે કે આનાથી તેમને ભારતમાં સુખેથી અને સુરક્ષિત રીતે રહેવામાં મદદ મળશે.
ડિરેક્ટર મલ્લિકે સર્ટિફિકેટ વિતરણ સમારોહમાં શું કહ્યું?
રાજસ્થાનના વસ્તી ગણતરી સંચાલન નિર્દેશાલયના ડિરેક્ટર વિષ્ણુ ચરણ મલ્લિકે જોધપુરની ડૉ. એસ.એન. મેડિકલ કોલેજના સભાગૃહમાં આયોજિત એક ખાસ સિટિઝનશિપ સર્ટિફિકેટ વિતરણ કેમ્પમાં પાકિસ્તાની શરણાર્થીઓને ભારતીય નાગરિકતાના સર્ટિફિકેટ્સ આપ્યા હતા.
पाक विस्थापितों को मिला भारतीय होने का गौरव — 964 नागरिक बने अब अपने देश के!
नागरिकता प्रमाण पत्र पाकर छलक पड़ी आँखें, मिला नाम और सम्मान
सिर्फ नागरिकता नहीं आपकी नई पहचान, नई जिम्मेदारी है भारतीय होना – श्री मल्लिक@BhajanlalBjp @madandilawar @RajGovOfficial pic.twitter.com/ZUSqmOxlW5
— District Collector & Magistrate, Jodhpur (@JodhpurDm) June 19, 2025
આ પ્રસંગે ડિરેક્ટર મલ્લિકે જણાવ્યું કે, “આ બધા લોકો માટે એક ઐતિહાસિક ક્ષણ છે, કારણ કે વિસ્થાપિત લોકોનો સંઘર્ષ, ધૈર્ય અને આશા ખૂબ જ મુશ્કેલ હોય છે. આ તેમનો વિજય છે, તેથી બધા નવા નાગરિકોને ખૂબ ખૂબ અભિનંદન.” તેમણે વધુમાં ઉમેર્યું કે, “હવે તેમની પાસે માત્ર કાગળો જ નહીં, પરંતુ એક ઓળખ પણ છે. આ લોકોના વિસ્થાપનનું દુઃખ હવે ભારતીય નાગરિક હોવાના ગર્વમાં ફેરવાઈ ગયું છે.” મહત્વની વાત કરતા તેમણે કહ્યું કે, આ 964 સર્ટિફિકેટ્સ માત્ર સંખ્યાઓ નથી, પરંતુ સંઘર્ષ અને હિંમતની 964 કહાણીઓ છે.
