નેતન્યાહૂએ શુક્રવારે ન્યૂયોર્કમાં સંયુક્ત રાષ્ટ્ર મહાસભા (UNGA) માં પોતાના સંબોધન દરમિયાન ગાઝા યુદ્ધ પર પોતાના દેશનું વલણ મજબૂત રીતે રજૂ કર્યું.
ઇઝરાયેલના વડા પ્રધાન બન્યામિન નેતન્યાહૂએ શુક્રવારે ન્યૂયોર્કમાં સંયુક્ત રાષ્ટ્ર મહાસભા (UNGA) માં પોતાના સંબોધન દરમિયાન ગાઝા યુદ્ધ પર પોતાના દેશનું વલણ મજબૂત રીતે રજૂ કર્યું. આંતરરાષ્ટ્રીય દબાણ અને વધતા વિરોધ વચ્ચે પણ નેતન્યાહૂએ સ્પષ્ટ કહ્યું કે ઇઝરાયેલ “હમાસ વિરુદ્ધ કામ પૂર્ણ ન થાય ત્યાં સુધી” પીછેહઠ કરશે નહીં. નેતન્યાહૂએ આંતરરાષ્ટ્રીય ટીકાઓનો સામનો કરતા જણાવ્યું કે, “પશ્ચિમી નેતાઓ કદાચ દબાણમાં ઝૂકી ગયા હશે, પરંતુ હું ખાતરી આપું છું કે ઇઝરાયેલ નહીં ઝૂકે.”
બહિષ્કાર અને ‘યહૂદી-વિરોધ’
નેતન્યાહૂના ભાષણની શરૂઆત પહેલા જ અનેક દેશોના પ્રતિનિધિઓ વિરોધમાં હોલમાંથી બહાર નીકળી ગયા, જોકે અમેરિકી પ્રતિનિધિમંડળ ત્યાં હાજર રહ્યું હતું. તેમણે એક નકશો બતાવીને તેને “ધ કર્સ” (અભિશાપ) નામ આપ્યું અને વારંવાર પોતાના ટીકાકારો પર યહૂદી-વિરોધ નો આરોપ લગાવ્યો.
વડા પ્રધાને પોતાના સંબોધનમાં પૂર્વ અમેરિકી રાષ્ટ્રપતિ ડોનાલ્ડ ટ્રમ્પની પ્રશંસા પણ કરી અને મધ્ય એશિયામાં થઈ રહેલા બદલાવોને ઇઝરાયેલ માટે નવી તકો ગણાવી. તેમણે દાવો કર્યો કે ઇઝરાયેલે સીરિયાની નવી સરકાર સાથે સુરક્ષા વાટાઘાટો શરૂ કરી છે.
