શક્તિની આરાધનાના મહાપર્વ નવરાત્રીના અંતિમ દિવસો સાથે નગરજનો હવે વિજયાદશમી (દશેરા)ની ઉજવણી માટે ઉત્સાહભેર સજ્જ બન્યા છે.
શક્તિની આરાધનાના મહાપર્વ નવરાત્રીના અંતિમ દિવસો સાથે નગરજનો હવે વિજયાદશમી (દશેરા)ની ઉજવણી માટે ઉત્સાહભેર સજ્જ બન્યા છે. અસત્ય પર સત્યના વિજયના પ્રતીક રૂપે ઠેરઠેર રાવણ દહનના કાર્યક્રમો યોજાશે. સમગ્ર ગુજરાતમાં દશેરાની ઉજવણી ક્રિસ્પી ફાફડા અને ગરમાગરમ જલેબી વગર સાવ અધૂરી ગણાય છે. જોકે આ વર્ષે સ્વાદરસિકોના ઉત્સાહ વચ્ચે થયેલો Fafda Jalebi Price Hike લોકોના ખિસ્સા પર સીધો બોજ નાખશે.
કાચા માલના ભાવમાં થયેલા સતત વધારાને પગલે ફરસાણના વેપારીઓએ ફાફડા અને જલેબીના ભાવમાં પ્રતિ કિલોએ રૂ. 100 સુધીનો વધારો ઝીંકી દીધો છે. આ Fafda Jalebi Price Hike ની સીધી અસર બજારોમાં સ્પષ્ટપણે જોવા મળી રહી છે. ગત વર્ષે રૂ. 800થી રૂ. 860 પ્રતિ કિલોના ભાવે વેચાતા પ્રીમિયમ ક્વોલિટીના ફાફડા આ વર્ષે સીધા રૂ. 900 પ્રતિ કિલોએ પહોંચી ગયા છે. જ્યારે શુદ્ધ દેશી ઘીની કેસરી જલેબીનો ભાવ રૂ. 900થી વધીને પ્રતિ કિલો રૂ. 1000 થઈ ગયો છે.
સામાન્ય સીંગતેલ કે વનસ્પતિ ઘીમાંથી બનતી સાદી જલેબીમાં પણ કિલોએ રૂ. 50થી રૂ. 70નો ભાવવધારો નોંધાયો છે. વેપારીઓનું કહેવું છે કે ખાદ્યતેલ, શુદ્ધ ઘી, બેસન અને ખાંડ જેવી મૂળભૂત સામગ્રીના દરમાં ઉછાળો આવતા આ ભાવ વધારો કરવો અનિવાર્ય બન્યો હતો. મોંઘવારીની આ કડવાશ વચ્ચે પણ ગુજરાતીઓનો દશેરાનો સ્વાદ જરાય ફિક્કો પડ્યો નથી અને વહેલી સવારથી જ ફરસાણની દુકાનો બહાર લાઈનો લાગવાની પૂરેપૂરી શક્યતા છે.
