ભારતીય ક્રિકેટ કંટ્રોલ બોર્ડ (BCCI)એ ભારતીય પુરુષ ક્રિકેટ ટીમની પસંદગી સમિતિમાં મોટો ફેરફાર કર્યો છે. પૂર્વ ભારતીય સ્પિનર પ્રજ્ઞાન ઓઝાને પસંદગી સમિતિના નવા અધ્યક્ષ તરીકે નિમણૂક આપવામાં આવી છે
ભારતીય ક્રિકેટ કંટ્રોલ બોર્ડ (BCCI)એ ભારતીય પુરુષ ક્રિકેટ ટીમની પસંદગી સમિતિમાં મોટો ફેરફાર કર્યો છે. પૂર્વ ભારતીય સ્પિનર પ્રજ્ઞાન ઓઝાને પસંદગી સમિતિના નવા અધ્યક્ષ તરીકે નિમણૂક આપવામાં આવી છે. આ સાથે BCCI New Chief Selector તરીકે તેમની જવાબદારી શરૂ થઈ છે, જ્યારે પૂર્વ ખેલાડી રમેશ પોવારને પણ સમિતિમાં સામેલ કરવામાં આવ્યા છે. અજીત અગરકરનો ચીફ સિલેક્ટર તરીકેનો કાર્યકાળ હવે પૂર્ણ થયો છે.
BCCIએ વરિષ્ઠતાના આધારે પ્રજ્ઞાન ઓઝાને આ પદ સોંપ્યું છે. ઓઝાએ ભારત માટે 24 ટેસ્ટ, 18 વનડે અને 6 ટી-20 મેચ રમી છે. સમિતિના સભ્યોમાં સૌથી વધુ ટેસ્ટ અનુભવ ધરાવતા હોવાથી તેમને BCCI New Chief Selectorની જવાબદારી આપવામાં આવી છે. અગરકરની વિદાય બાદ તેઓ વચગાળાના અધ્યક્ષ તરીકે કામ કરી રહ્યા હતા અને હવે સંપૂર્ણ રીતે અધ્યક્ષ બન્યા છે.
ક્રિકેટ એડવાઇઝરી કમિટી (CAC)એ ઇન્ટરવ્યૂ અને પ્રક્રિયા બાદ રમેશ પોવારના નામની સર્વસંમતિથી ભલામણ કરી હતી. પોવારે ભારત માટે 2 ટેસ્ટ અને 31 વનડે રમ્યા છે. ખેલાડી તરીકેની કારકિર્દી બાદ તેમણે કોચિંગમાં નોંધપાત્ર કામગીરી કરી છે. તેઓ ભારતીય મહિલા ટીમના મુખ્ય કોચ રહી ચૂક્યા છે, જેમાં ટીમે એશિયા કપ જીત્યો અને 2022 કોમનવેલ્થ ગેમ્સમાં રજત ચંદ્રક મેળવ્યો હતો. તેમણે મુંબઈને વિજય હજારે ટ્રોફી જીતાડી અને ગુજરાત સિનિયર પુરુષ ટીમના કોચ તરીકે પણ કામ કર્યું છે.
નવી પાંચ સભ્યીય સમિતિમાં પ્રજ્ઞાન ઓઝા અધ્યક્ષ સાથે શિવ સુંદર દાસ, આર.પી. સિંહ, અજય રાત્રા અને રમેશ પોવારનો સમાવેશ થાય છે. આ સમિતિ તમામ ફોર્મેટમાં ટીમની પસંદગીની જવાબદારી સંભાળશે. BCCIએ અજીત અગરકરના જુલાઈ 2023થી ચાલેલા કાર્યકાળ દરમિયાનના યોગદાન, સમર્પણ અને નિર્ણયશક્તિની પ્રશંસા કરી છે. આ નિમણૂક સાથે ભારતીય ક્રિકેટની પસંદગી પ્રક્રિયામાં નવો અધ્યાય શરૂ થયો છે.
