iPhone પ્રેમીઓ માટે મોટા સમાચાર! Apple આ મહિને બજેટ ફ્રેન્ડલી iPhone 17e લોન્ચ કરી શકે છે. લેટેસ્ટ A19 ચિપસેટ અને શાનદાર લુક સાથે આવતા આ ફોનની સંભવિત કિંમત અને ફીચર્સ વિશે અહીં જાણો.
અમદાવાદ, મંગળવાર
iPhone ખરીદવાનું સપનું હવે થશે પૂરું! ટેક જગતની દિગ્ગજ કંપની Apple પોતાના યુઝર્સ માટે એક મોટો ધડાકો કરવાની તૈયારીમાં છે. જો તમે પણ નવો આઈફોન લેવાનું વિચારી રહ્યા છો પરંતુ બજેટ આડે આવતું હોય, તો તમારા માટે સારા સમાચાર છે. લેટેસ્ટ રિપોર્ટ્સ મુજબ, Apple આ મહિને જ પોતાનો નવો અને સસ્તો iPhone 17e લોન્ચ કરી શકે છે.
iPhone 16e નું અપગ્રેડ વર્ઝન હશે એપલે અગાઉ iPhone SE લોન્ચ કરીને મિડ-રેન્જ બજેટ ધરાવતા યુઝર્સને ચોંકાવ્યા હતા. હવે કંપની iPhone 17e લાવી રહી છે, જે ખરેખર iPhone 16e નું અપગ્રેડેડ મોડલ માનવામાં આવે છે. આ ફોન ખાસ કરીને એવા લોકો માટે ડિઝાઈન કરવામાં આવ્યો છે જેઓ દર વર્ષે 80 થી 90 હજાર રૂપિયા ખર્ચવા નથી માંગતા, છતાં પ્રીમિયમ આઈફોનનો અનુભવ લેવા ઈચ્છે છે.
iPhone 17e ના સંભવિત ફીચર્સ લિક થયેલી માહિતી મુજબ, આ સસ્તા આઈફોનમાં પણ કંપની પરફોર્મન્સ સાથે કોઈ બાંધછોડ નહીં કરે.
પાવરફુલ પ્રોસેસર: આ ફોનમાં iPhone 17 સીરિઝની લેટેસ્ટ A19 ચિપસેટ જોવા મળી શકે છે, જે તેને સુપર ફાસ્ટ બનાવશે.
ડિઝાઈન: તેની ડિઝાઈન iPhone 15 અથવા iPhone 16 જેવી હોઈ શકે છે. તેમાં ફ્લેટ સાઈડ ફ્રેમ અને મોટી ડિસ્પ્લે મળવાની શક્યતા છે.
કેમેરા: ખર્ચ ઘટાડવા માટે કંપની આમાં સિંગલ અથવા ડ્યૂઅલ કેમેરા સેટઅપ આપી શકે છે.
બિલ્ડ ક્વોલિટી: પ્રીમિયમ લુક સાથે આ ફોન હાથમાં પકડવામાં એકદમ ક્લાસી લાગશે.
ભારત જેવા માર્કેટ પર Appleની નજર
ભારતમાં મિડ-રેન્જ સ્માર્ટફોન એટલે કે 30 થી 50 હજારની રેન્જમાં સૌથી વધુ વેચાણ થાય છે. Samsung, Xiaomi અને Vivo જેવી બ્રાન્ડ્સ આ સેગમેન્ટમાં મજબૂત પકડ ધરાવે છે. Apple જાણે છે કે જો યુઝર એકવાર આઈફોન વાપરતો થઈ જાય, તો તે ભવિષ્યમાં AirPods, Apple Watch અને MacBook પણ ખરીદશે. આથી જ કંપની પોતાનું માર્કેટ વધારવા માટે સસ્તો વિકલ્પ આપી રહી છે.
કેટલી હશે કિંમત?
સૌથી મહત્વનો સવાલ એ છે કે આ ફોન કેટલામાં મળશે? રિપોર્ટ્સ અનુસાર, ભારતમાં iPhone 17e ની કિંમત 55,000 થી 65,000 રૂપિયા ની આસપાસ હોઈ શકે છે. જોકે સામાન્ય રીતે 50 હજારથી ઉપરના ફોન સસ્તા નથી હોતા, પરંતુ Appleના અન્ય મોંઘા મોડલ્સની સરખામણીએ આ કિંમત ઘણી આકર્ષક લાગી રહી છે.
જો તમે બજેટમાં રહીને Appleની ઈકોસિસ્ટમનો હિસ્સો બનવા માંગતા હોવ, તો iPhone 17e તમારા માટે બેસ્ટ ઓપ્શન સાબિત થઈ શકે છે. પાવરફુલ પ્રોસેસર અને બ્રાન્ડ વેલ્યૂ સાથે આ ફોન માર્કેટમાં અન્ય કંપનીઓને મોટી ટક્કર આપશે તે નક્કી છે.
