ડીઆરઆઈ દ્વારા ગેરકાયદે આયાત કરાયેલા સબ-સ્ટાન્ડર્ડ ચાઈનીઝ રમકડાં, નકલી કોસ્મેટિક્સ અને બિન-બ્રાન્ડેડ જૂતાના 160 મેટ્રિક ટન જથ્થાને જપ્ત કરવામાં આવ્યો છે
ગાંધીનગર, ગુરૂવાર: ડિરેક્ટોરેટ ઓફ રેવન્યુ ઈન્ટેલિજન્સ (ડીઆરઆઈ) દ્વારા ગેરકાયદે આયાત કરાયેલા સબ-સ્ટાન્ડર્ડ ચાઈનીઝ રમકડાં, નકલી કોસ્મેટિક્સ અને બિન-બ્રાન્ડેડ જૂતાના 160 મેટ્રિક ટન જથ્થાને જપ્ત કરવામાં આવ્યો છે. આ માલની કિંમત રૂ. 6.5 કરોડથી વધુ આંકવામાં આવી છે. ડીઆરઆઈના મુંબઈ ઝોનલ યુનિટે કંડલા સેઝ, મુંદરા અદાણી બંદર, હઝીરા પોર્ટ અને હરિયાણાના ફરિદાબાદમાં આવેલા પિયાલા ખાતે 10 કન્ટેનરની તપાસ દરમિયાન આ કાર્યવાહી હાથ ધરી હતી.
ડીઆરઆઈને મળેલી ચોક્કસ બાતમીના આધારે આ ઓપરેશન હાથ ધરવામાં આવ્યું. તપાસ દરમિયાન કન્ટેનરમાંથી મોટા પ્રમાણમાં પ્રતિબંધિત ચાઈનીઝ રમકડાં, નકલી કોસ્મેટિક્સ અને બિન-બ્રાન્ડેડ ફૂટવેર મળી આવ્યા. આ ચાઈનીઝ રમકડાં બ્યૂરો ઓફ ઈન્ડિયન સ્ટાન્ડર્ડ્સ (BIS) પ્રમાણપત્ર વિના આયાત કરાયા હતા, જે વિદેશી વેપાર નીતિ અને ટોઈઝ (ક્વોલિટી કન્ટ્રોલ) ઓર્ડર, 2020નું ઉલ્લંઘન છે. BIS નિયમોનું પાલન ન કરતી વસ્તુઓ ભારતમાં આયાત કરવી પ્રતિબંધિત છે.
ડીઆરઆઈના અધિકારીઓએ કંડલા સેઝ, મુંદરા, હઝીરા અને ફરિદાબાદના પિયાલા ખાતે 10 કન્ટેનરની સઘન તપાસ હાથ ધરી. આ તપાસમાં ગેરકાયદે રીતે આયાત કરાયેલી વસ્તુઓનો મોટો જથ્થો ઝડપાયો. આ ઓપરેશન દર્શાવે છે કે ડીઆરઆઈ ગેરકાયદે આયાત અને દાણચોરી સામે કડક પગલાં લઈ રહ્યું છે
