બીજી ઇનિંગમાં, ભારતીય ટીમ થોડી નર્વસ દેખાઈ અને 22 રનના માર્જિનથી મેચ હારી ગઈ. શ્રેણીની ચોથી મેચ હવે 23 જુલાઈથી માન્ચેસ્ટરમાં રમાશે
નવી દિલ્હી,સોમવાર: ભારત અને ઇંગ્લેન્ડ વચ્ચે પાંચ મેચની ટેસ્ટ શ્રેણી રમાઈ રહી છે. એન્ડરસન-તેંડુલકર ટ્રોફીનો ત્રીજો મેચ સોમવાર, 14 જુલાઈના રોજ લંડનના લોર્ડ્સ સ્ટેડિયમ ખાતે રમાયો હતો. આ મેચમાં ઇંગ્લેન્ડની ટીમે જીત મેળવી અને શ્રેણીમાં 2-1ની લીડ મેળવી. ભારતીય ટીમે આ મેચમાં શાનદાર પ્રદર્શન કર્યું. એક રીતે, ટીમ ઇન્ડિયાએ છેલ્લી કેટલીક ક્ષણોમાં લડાઈ લડી અને હારી ગઈ. જોકે, પોતાની બીજી ઇનિંગમાં, ભારતીય ટીમ થોડી નર્વસ દેખાઈ અને 22 રનના માર્જિનથી મેચ હારી ગઈ. શ્રેણીની ચોથી મેચ હવે 23 જુલાઈથી માન્ચેસ્ટરમાં રમાશે. આ મેચના હીરો ઇંગ્લેન્ડ માટે જો રૂટ હતા, જેમણે પહેલી ઇનિંગમાં સદી અને બીજી ઇનિંગમાં 40 રન બનાવ્યા હતા.
આ મેચમાં, ઇંગ્લેન્ડ ટીમના કેપ્ટન બેન સ્ટોક્સે ટોસ જીતીને બેટિંગ કરવાનું પસંદ કર્યું. જો રૂટની સદી, જેમી સ્મિથની અડધી સદી અને ઓલી પોપ અને બેન સ્ટોક્સની 44-44 રનની ઇનિંગના કારણે ઇંગ્લેન્ડની ટીમે પોતાની પહેલી ઇનિંગમાં 387 રન બનાવ્યા હતા. ભારત તરફથી જસપ્રીત બુમરાહએ પાંચ વિકેટ લીધી હતી, જ્યારે મોહમ્મદ સિરાજ અને નીતિશ કુમાર રેડ્ડીએ 2-2 વિકેટ લીધી હતી. રવિન્દ્ર જાડેજાને એક સફળતા મળી હતી.
આ પછી, ભારતીય ટીમ પોતાની પહેલી ઇનિંગમાં બેટિંગ કરવા ઉતરી હતી અને 387 રન બનાવી શકી હતી. ભારત તરફથી કેએલ રાહુલે 100 રન, ઋષભ પંતે 74 રન અને રવિન્દ્ર જાડેજાએ 72 રન બનાવ્યા હતા. ઇંગ્લેન્ડ તરફથી ક્રિસ વોક્સે 3 વિકેટ લીધી હતી. જોફ્રા આર્ચર અને બેન સ્ટોક્સે 2-2 વિકેટ લીધી હતી. આ રીતે પ્રથમ ઇનિંગનો સ્કોર સમાન રહ્યો. હવે ઇંગ્લેન્ડનો વારો હતો, જેણે ભારત સામે મોટો લક્ષ્ય રાખવાનો હતો, પરંતુ ભારતે ઇંગ્લેન્ડને 192 રન પર રોકી દીધું.
