70મા ફિલ્મફેર એવોર્ડ્સ 2025માં અભિષેક બચ્ચને ડેબ્યૂના 25 વર્ષ બાદ ‘બેસ્ટ એક્ટરનો એવોર્ડ જીતીને ઇતિહાસ રચ્યો. આમિર ખાનની લાપતા લેડીઝ 13 એવોર્ડ સાથે છવાઈ. જાણો કોને મળ્યો કયો એવોર્ડ, સંપૂર્ણ વિજેતા લિસ્ટ અહીં જુઓ.
અમદાવાદ, રવિવાર
બોલિવૂડના સૌથી પ્રતિષ્ઠિત એવોર્ડ્સમાંથી એક, 70મા ફિલ્મફેર એવોર્ડ્સ 2025ની શાનદાર સાંજનું આયોજન ફરી એકવાર ગુજરાતના આંગણે અમદાવાદમાં કરવામાં આવ્યું. આ ગ્લેમરસ ઈવેન્ટમાં શાહરૂખ ખાન, અક્ષય કુમાર, કરણ જોહર અને કાર્તિક આર્યન જેવા અનેક મોટા સ્ટાર્સે હાજરી આપીને ચાર ચાંદ લગાવ્યા હતા. 11 ઓક્ટોબરની આ રાત બોલિવૂડ માટે ખાસ રહી, જેમાં વર્ષ 2024ની શ્રેષ્ઠ ફિલ્મો અને કલાકારોને સન્માનિત કરવામાં આવ્યા.
અભિષેક બચ્ચન માટે ઐતિહાસિક ક્ષણ
આ એવોર્ડ શોની સૌથી મોટી હાઈલાઈટ અભિષેક બચ્ચનની જીત રહી. પોતાના ફિલ્મી કરિયરના 25 વર્ષ પૂર્ણ કર્યા બાદ અભિષેક બચ્ચનને શૂજિત સરકારની ફિલ્મ આઇ વોન્ટ ટુ ટૉક માટે બેસ્ટ એક્ટર ઇન અ લીડિંગ રોલ (મેલ)નો પોતાનો પ્રથમ ફિલ્મફેર એવોર્ડ મળ્યો. આ પહેલા તેણે બેસ્ટ સપોર્ટિંગ એક્ટર કેટેગરીમાં એવોર્ડ જીત્યા હતા, પરંતુ લીડ એક્ટર તરીકે આ તેનું પ્રથમ બ્લેક લેડી ટ્રોફી છે.
આ સાથે, યંગ સુપરસ્ટાર કાર્તિક આર્યને પણ ફિલ્મ ચંદુ ચેમ્પિયનમાં પોતાના દમદાર અભિનય માટે બેસ્ટ એક્ટરનો એવોર્ડ શેર કર્યો. જ્યારે જીગરા ફિલ્મ માટે આલિયા ભટ્ટને બેસ્ટ એક્ટ્રેસ ઇન અ લીડિંગ રોલ (ફીમેલ)નો એવોર્ડ મળ્યો.
લાપતા લેડીઝનો દબદબો
આમિર ખાનના પ્રોડક્શન હેઠળ અને કિરણ રાવ દ્વારા ડિરેક્ટ કરાયેલી ફિલ્મ લાપતા લેડીઝ આ એવોર્ડ શોમાં સૌથી વધુ છવાઈ. ફિલ્મે બેસ્ટ ફિલ્મ, બેસ્ટ ડિરેક્ટર સહિત અલગ-અલગ કેટેગરીમાં આશરે 13 એવોર્ડ્સ જીતીને સૌને ચોંકાવી દીધા.
ફિલ્મફેર એવોર્ડ્સ 2025: વિજેતાઓની સંપૂર્ણ યાદી
મુખ્ય એવોર્ડ્સ
ક્રિટીક્સ અને રાઇટિંગ એવોર્ડ્સ
મ્યુઝિક એવોર્ડ્સ (Music Awards)
ટેક્નિકલ એવોર્ડ્સ (Technical Awards)
વિશેષ અને લાઇફટાઇમ એવોર્ડ્સ (Special and Lifetime Awards)
