અમેરિકામાં વિદેશી મૂળના અબજોપતિઓની યાદીમાં ભારતે ઇઝરાયેલને પાછળ છોડીને પ્રથમ સ્થાન મેળવ્યું છે. જાણો કેવી રીતે ભારતીય ઉદ્યોગસાહસિકોનો યુએસમાં દબદબો વધ્યો અને આ યાદીમાં ટોપ 10 દેશોમાં કોનો કોનો સમાવેશ થાય છે.
અમદાવાદ, રવિવાર
અમેરિકામાં ભારતીયોનો પ્રભાવ સતત વધી રહ્યો છે અને તેનો વધુ એક પુરાવો તાજેતરના અહેવાલમાં જોવા મળ્યો છે. યુ.એસ.માં વસતા વિદેશી મૂળના અબજોપતિઓની યાદીમાં ભારતે હવે ટોચનું સ્થાન હાંસલ કર્યું છે. ભારતે ઇઝરાયેલને પાછળ છોડીને આ સિદ્ધિ મેળવી છે.
વિશ્વભરમાં અંદાજે 78 દેશોમાં 3,000 જેટલા અબજોપતિઓ છે. તેમાંથી લગભગ ત્રીજા ભાગના અબજોપતિઓ અમેરિકામાં રહે છે. ફોર્બ્સના એક રિપોર્ટ મુજબ, અમેરિકામાં 125 વિદેશી મૂળના અબજોપતિ છે, જેમાંથી 41 અબજોપતિ અમેરિકાના નાગરિક બન્યા છે.
અમેરિકામાં વિદેશી અબજોપતિઓની સંખ્યામાં વધારો
2022માં અમેરિકામાં ભારતીય મૂળના અબજોપતિઓની સંખ્યા 5 હતી, જે હવે 2025માં વધીને 12 થઈ ગઈ છે. આ વધારાને કારણે ભારતે ઇઝરાયેલને પાછળ છોડી દીધું છે, જે અગાઉ આ યાદીમાં ટોચ પર હતું.
આ યાદીમાં સાયબર સિક્યોરિટી ફર્મ Zscalerના સ્થાપક અને CEO જય ચૌધરી સૌથી આગળ છે, જેમની કુલ સંપત્તિ $17.9 બિલિયન છે.
વિદેશી મૂળના અબજોપતિઓની યાદીમાં ટોપ 10 દેશો (2025)
આ યાદીમાં ભારત ટોચ પર છે, જ્યારે ઇઝરાયેલ અને તાઇવાન બીજા ક્રમે છે. આ યાદી નીચે મુજબ છે:
* ભારત: 12 અબજોપતિ (2022માં 7 હતા)
* ઇઝરાયેલ: 11 અબજોપતિ (2022માં 10 હતા)
* તાઇવાન: 11 અબજોપતિ (2022માં 4 હતા)
* કેનેડા: 9 અબજોપતિ (2022માં 8 હતા)
* ચીન: 8 અબજોપતિ (2022માં 7 હતા)
* જર્મની: 6 અબજોપતિ (2022માં 6 હતા)
* ઈરાન: 6 અબજોપતિ (2022માં 2 હતા)
* ફ્રાન્સ: 5 અબજોપતિ (2022માં 5 હતા)
* હંગેરી: 4 અબજોપતિ (2022માં 4 હતા)
* યુક્રેન: 4 અબજોપતિ (2022માં 3 હતા)
આ યાદીમાં ઘણા જાણીતા નામોનો પણ સમાવેશ થાય છે, જેમાં Alphabetના CEO સુંદર પિચાઈ અને Microsoftના CEO સત્યા નડેલા જેવા દિગ્ગજો પણ સામેલ છે. આ સફળતા ભારતીયોના વૈશ્વિક પ્રભાવ અને ઉદ્યોગસાહસિકતાને દર્શાવે છે.
