કેન્દ્ર સરકારે સહકારી ક્ષેત્રને વધુ મજબૂત બનાવવા માટે લોકસભામાં ‘NCDC સુધારા વિધેયક’ રજૂ કર્યું છે, જેનાથી ખેડૂતો અને સહકારી સંસ્થાઓને વચેટિયા વિના સીધી લોન અને નાણાકીય સહાય મળી શકશે.
દેશમાં સહકારી ક્ષેત્ર સાથે જોડાયેલા ખેડૂતો અને નાના ઉદ્યોગસાહસિકો માટે નાણાકીય સહાય મેળવવાની પ્રક્રિયા હવે વધુ સરળ અને ઝડપી બનવા જઈ રહી છે. કેન્દ્ર સરકારે નેશનલ કોઓપરેટિવ ડેવલપમેન્ટ કોર્પોરેશન (NCDC) ની કાર્યપદ્ધતિમાં વ્યાપક સુધારા કરવા અને તેનો વ્યાપ વધારવાના મુખ્ય ઉદ્દેશ્યથી સોમવારે લોકસભામાં અધિકૃત રીતે ‘NCDC સુધારા વિધેયક’ રજૂ કર્યું છે.
વચેટિયા અને રાજ્ય સરકારોની મંજૂરી વિના મળશે સીધી લોન
કાનૂની અડચણો દૂર થઈ: હાલના પ્રવર્તમાન કાયદા મુજબ સહકારી સંસ્થાઓને નાણાકીય મદદ આપવા માટે અગાઉ કેટલીક જટિલ કાનૂની અડચણો અને વહીવટી પ્રક્રિયાઓ નડતી હતી.સીધી સહાય: નવા પ્રાવધાન લાગુ થવાથી હવે NCDC માત્ર સહકારી સમિતિઓને જ નહીં, પરંતુ સહકારી ક્ષેત્રમાં સક્રિય અન્ય તમામ પાત્ર સંસ્થાઓને પણ વચેટિયા વગર સીધી લોન અને અનુદાન (ગ્રાન્ટ) ફાળવી શકશે.
ગ્રામીણ સ્તરે પાયાની સુવિધાઓનો ઝડપી વિકાસ
ડેરી અને મત્સ્યપાલન: ડેરી સહકારી મંડળીઓ માટે મિલ્ક ચિલિંગ સેન્ટર (દૂધ ઠંડુ કરવાનું કેન્દ્ર) તેમજ મત્સ્ય પાલન અને તેના વેચાણ સાથે જોડાયેલા મહત્વપૂર્ણ પ્રોજેક્ટ્સ માટે હવે સીધું જ ફંડ મળી રહેશે. ખેડૂતો માટે અનાજ સંગ્રહ કરવા અર્થે ગોડાઉન અને અદ્યતન પ્રોસેસિંગ યુનિટ્સ સ્થાપવા સરળ બનશે.
શેર મૂડીમાં ભાગીદારી અને ₹૨૦,૦૦૦ કરોડની ધિરાણ ક્ષમતા
આ નવા વિધેયકમાં NCDC ને સહકારી સંસ્થાઓની શેર મૂડીમાં સીધો હિસ્સો લેવાનો વિશેષ અધિકાર આપવાનો પણ પ્રસ્તાવ મૂકવામાં આવ્યો છે. આનાથી NCDC માત્ર એક સામાન્ય ધિરાણકર્તા સંસ્થા બનીને નહીં રહે, પરંતુ જરૂર પડ્યે વિવિધ વિકાસલક્ષી પ્રોજેક્ટ્સમાં સીધું મૂડી રોકાણ પણ કરી શકશે, જેનાથી દેશના સહકારી આંદોલનને નવું બળ મળશે.
