કચ્છના સરહદી અને અત્યંત સંવેદનશીલ લખપતના ક્રીક વિસ્તારમાંથી એક પાકિસ્તાની ઘૂસણખોર બોટ સાથે ઝડપાયા બાદ સુરક્ષા દળોને વધુ એક બોટ મળી આવી છે.
કચ્છના સરહદી અને અત્યંત સંવેદનશીલ લખપતના ક્રીક વિસ્તારમાંથી એક પાકિસ્તાની ઘૂસણખોર બોટ સાથે ઝડપાયા બાદ સુરક્ષા દળોને વધુ એક બોટ મળી આવી છે. Pakistani Intruder Kutch મામલે સીમા સુરક્ષા દળ (BSF) દ્વારા હાથ ધરાયેલા સઘન સર્ચ ઓપરેશન દરમિયાન ક્રીક વિસ્તારમાંથી આશરે 7 વર્ષીય એક નધણિયાતું પાકિસ્તાની બાળક મળી આવતાં ભારે ચકચાર મચી ગઈ છે.
પ્રાપ્ત વિગતો અનુસાર, ગત શુક્રવારે લખપતના ક્રીક વિસ્તારમાં સઘન પેટ્રોલિંગ દરમિયાન BSFએ એક પાકિસ્તાની ઘૂસણખોર જુમન અહેમદને તેની બોટ સાથે ઝડપી પાડ્યો હતો. Pakistani Intruder Kutchની આ ઘટનામાં પ્રાથમિક તપાસમાં તેની પાસેથી કોઈ આપત્તિજનક સામગ્રી મળી ન હતી. આ પછી BSFએ સરહદી પટ્ટી પર ઓપરેશન વધુ તીવ્ર બનાવ્યું હતું.
સર્ચ ઓપરેશન દરમિયાન પાકિસ્તાની સરહદ તરફથી આવેલી અન્ય એક શંકાસ્પદ બોટ છોડીને માછીમારો ક્રીકના પ્રવાહ કે સામે પાર નાસી છૂટવામાં સફળ રહ્યા હતા. સુરક્ષા દળની ટુકડીએ આ લાવારિસ બોટ અને આસપાસના વિસ્તારમાં સઘન તલાશી હાથ ધરી ત્યારે તેમાંથી આશરે સાત વર્ષની વયનું એક પાકિસ્તાની બાળક મળી આવ્યું હતું.
BSFના જવાનોએ માનવતાવાદી અભિગમ દાખવીને આ માસૂમ બાળકને પોતાની કસ્ટડીમાં સુરક્ષિત રાખ્યું છે. સરહદી વિસ્તારમાં આવી ઘટનાઓને ગંભીરતાથી લેવામાં આવી રહી છે અને વધુ તપાસ ચાલુ છે. સુરક્ષા દળો સરહદી પટ્ટી પર સતર્કતા વધારીને પેટ્રોલિંગ જારી રાખ્યું છે. આ મામલે વધુ વિગતો માટે તપાસ આગળ વધી રહી છે.
