દુર્ઘટનાની જાણ થતા જ SDRF, ઉત્તરાખંડ પોલીસ અને સ્થાનિક પ્રશાસનની ટીમો ઘટનાસ્થળે પહોંચી ગઈ હતી અને તુરંત જ બચાવ તથા શોધખોળ અભિયાન શરૂ કરી દીધું હતું. , પોલીસ અને રાજ્ય આપત્તિ પ્રતિક્રિયા દળ દ્વારા લાપતા લોકોની શોધ માટે વ્યાપક અભિયાન ચાલુ છે.
રુદ્રપ્રયાગ, ગુરૂવાર
ઉત્તરાખંડના રુદ્રપ્રયાગ જિલ્લામાં એક ભયાનક અકસ્માત થયો છે. બદ્રીનાથ હાઈવે પર ઘોલથિર નજીક 18 પ્રવાસીઓ ભરેલી એક બસ અનિયંત્રિત થઈને અલકનંદા નદીમાં ખાબકી હતી. આ દુર્ઘટનામાં એક યાત્રીનું કરુણ મૃત્યુ થયું છે, જ્યારે સાત અન્ય લોકો ઘાયલ થયા છે. અધિકારીઓના જણાવ્યા અનુસાર, 11 યાત્રીઓ હજુ પણ લાપતા છે, જેમની શોધખોળ ચાલી રહી છે.
પ્રાથમિક માહિતી અનુસાર આ બસ બદ્રીનાથ દર્શન કરવા જઈ રહી હતી અને તેમાં રાજસ્થાનના ઉદયપુરનો એક પરિવાર પણ સામેલ હતો જે ચારધામ યાત્રા પર આવ્યો હતો. પોલીસ મુખ્યમથકના પ્રવક્તા આઈજી નીલેશ આનંદ ભરણેએ જણાવ્યું કે બસમાં કુલ 18 લોકો સવાર હતા. ઘાયલોને તાત્કાલિક હોસ્પિટલમાં દાખલ કરવામાં આવ્યા છે, જેમાં બે 9 વર્ષના બાળકો પણ શામેલ છે.
બચાવ કાર્ય અને પડકારો
દુર્ઘટનાની જાણ થતા જ SDRF, ઉત્તરાખંડ પોલીસ અને સ્થાનિક પ્રશાસનની ટીમો ઘટનાસ્થળે પહોંચી ગઈ હતી અને તુરંત જ બચાવ તથા શોધખોળ અભિયાન શરૂ કરી દીધું હતું. અત્યાર સુધીમાં આઠ લોકોને નદીમાંથી બહાર કાઢવામાં આવ્યા છે. જોકે, નદીનો પ્રવાહ તેજ હોવાને કારણે રેસ્ક્યુ ઓપરેશનમાં મુશ્કેલીઓનો સામનો કરવો પડી રહ્યો છે. ઘટનાસ્થળે પોલીસ-પ્રશાસન ઉપરાંત મોટી સંખ્યામાં લોકોની ભીડ પણ એકઠી થઈ ગઈ છે.
મુખ્યમંત્રી દ્વારા શોક વ્યક્ત
ઉત્તરાખંડના મુખ્યમંત્રી પુષ્કર સિંહ ધામીએ આ દુર્ઘટના પર ગહન શોક વ્યક્ત કર્યો છે. તેમણે સોશિયલ મીડિયા પ્લેટફોર્મ X પર લખ્યું, “જનપદ રુદ્રપ્રયાગમાં એક ટેમ્પો ટ્રાવેલરના નદીમાં પડવાના સમાચાર અત્યંત દુઃખદ છે. SDRF સહિત અન્ય બચાવ દળો દ્વારા યુદ્ધ સ્તર પર રાહત અને બચાવ કાર્ય કરવામાં આવી રહ્યું છે. આ સંબંધમાં નિરંતર સ્થાનિક પ્રશાસનથી સંપર્કમાં છું. ઈશ્વરથી બધાના સકુશળ હોવાની પ્રાર્થના કરું છું.”
