નુસરત ભરુચા બાલીમાં દુર્ઘટનામાં ઈજાગ્રસ્ત થઈ, એર એમ્બ્યુલન્સથી મુંબઈ લવાઈ અને હવે સર્જરી થશે. જાણકારી મુજબ તેને કરોડરજ્જુમાં ગંભીર ઈજા થઈ છે.
બોલિવૂડ એક્ટ્રેસ નુસરત ભરુચા બાલીમાં એક દુર્ઘટનાનો શિકાર બની છે. જાણકારી મુજબ તેને કરોડરજ્જુમાં ગંભીર ઈજા થઈ છે. કામ સાથે રજા માણવા બાલી ગયેલી નુસરતને ત્યાંની એક હોસ્પિટલમાં પ્રાથમિક સારવાર અપાયા બાદ એર એમ્બ્યુલન્સ મારફતે મુંબઈ લાવવામાં આવી છે. તેના વીડિયો અને ફોટા સોશિયલ મીડિયા પર વાયરલ થઈ રહ્યા છે.
બાલીમાં શું બન્યું?
નુસરત કામ અને રજા માણવા બાલી ગઈ હતી. ત્યાં એક દુર્ઘટનામાં તેને હાડકામાં ફ્રેક્ચર થયું, જેના પગલે તેને તરત સ્થાનિક હોસ્પિટલમાં દાખલ કરવી પડી. ઈજાની ગંભીરતા જોતાં વધુ સારી સારવાર અને સર્જરી માટે તેને એર એમ્બ્યુલન્સથી મુંબઈની હોસ્પિટલમાં લાવવાનો નિર્ણય લેવાયો.
મુંબઈમાં થશે સર્જરી
જાણકારી અનુસાર હવે મુંબઈની એક હોસ્પિટલમાં તેની સર્જરી થશે. મુંબઈ પરત ફર્યાની તસવીરો અને વીડિયો પણ સામે આવ્યા છે.
