વડાપ્રધાન નરેન્દ્ર મોદીનો આગામી 14 નવેમ્બરે યોજાનારો અંબાજી મંદિરનો નિર્ધારિત કાર્યક્રમ હાલ પૂરતો મોકૂફ રાખવામાં આવ્યો છે.
ગુજરાતના પ્રસિદ્ધ યાત્રાધામ અંબાજી મંદિરના દર્શને જવા માગતા ભક્તો માટે મહત્ત્વના સમાચાર સામે આવ્યા છે. વડાપ્રધાન નરેન્દ્ર મોદીનો આગામી 14 નવેમ્બરે યોજાનારો અંબાજી મંદિરનો નિર્ધારિત કાર્યક્રમ હાલ પૂરતો મોકૂફ રાખવામાં આવ્યો છે.
આ નિર્ણય પાછળ ભક્તોની સુવિધા અને દર્શન વ્યવસ્થાને પ્રાથમિકતા આપવાનું કારણ જણાવવામાં આવ્યું છે. વડાપ્રધાનના પ્રવાસ દરમિયાન સુરક્ષા વ્યવસ્થા અને વીઆઈપી મૂવમેન્ટને કારણે સામાન્ય શ્રદ્ધાળુઓને મુશ્કેલી ન પડે તે હેતુથી કાર્યક્રમ સ્થગિત કરાયો હોવાનું જણાવાયું છે.
ભક્તોને દર્શનમાં મુશ્કેલી ન પડે તે માટે નિર્ણય
14 નવેમ્બરે વડાપ્રધાનના અંબાજી પ્રવાસને લઈને મંદિર પરિસર અને આસપાસના વિસ્તારોમાં તૈયારીઓ ચાલી રહી હતી. વહીવટી તંત્ર અને મંદિર ટ્રસ્ટ દ્વારા પણ આયોજન કરવામાં આવ્યું હતું.
જોકે, વડાપ્રધાનના પ્રવાસ દરમિયાન સુરક્ષા વ્યવસ્થા અને વીઆઈપી અવરજવરને કારણે સામાન્ય ભક્તોને લાંબી કતારો અથવા દર્શનમાં વિલંબનો સામનો કરવો પડી શકે છે. આવી સ્થિતિ ઊભી ન થાય તે માટે કાર્યક્રમ મોકૂફ રાખવાનો નિર્ણય લેવાયો હોવાનું જણાવાયું છે.
અંબાજી લાખો શ્રદ્ધાળુઓની આસ્થાનું કેન્દ્ર
બનાસકાંઠા જિલ્લામાં આવેલું અંબાજી મંદિર ગુજરાતનાં મુખ્ય શક્તિપીઠોમાંનું એક છે. અહીં દર વર્ષે ગુજરાત સહિત દેશનાં વિવિધ રાજ્યો અને વિદેશમાંથી પણ મોટી સંખ્યામાં શ્રદ્ધાળુઓ દર્શન માટે આવે છે.
આથી મંદિરની નિયમિત દર્શન વ્યવસ્થા જળવાઈ રહે તે મહત્ત્વનું છે. વડાપ્રધાનનો પ્રવાસ મોકૂફ રાખવાથી ભક્તોને કોઈ મોટી અસુવિધા ન થાય તેવો હેતુ હોવાનું જણાવાયું છે.
નવી તારીખ અંગે હજુ સ્પષ્ટતા નહીં
હાલમાં 14 નવેમ્બરનો કાર્યક્રમ મોકૂફ રાખવામાં આવ્યો છે. વડાપ્રધાનનો અંબાજી પ્રવાસ હવે કઈ તારીખે યોજાશે તે અંગે નવી જાહેરાતની રાહ જોવાઈ રહી છે.નવી તારીખ જાહેર થયા બાદ વહીવટી તંત્ર અને મંદિર ટ્રસ્ટ દ્વારા આગળનું આયોજન કરવામાં આવશે.
