ભોપાલના છેલ્લા નવાબ હમીદુલ્લા ખાનના અંગત મિલકત વિવાદ કેસને ફરીથી સુનાવણી માટે નીચલી કોર્ટમાં મોકલવાના આદેશ પર સ્ટે મુક્યો છે.
નવી દિલ્હી,શુક્રવાર: બોલિવૂડ અભિનેતા સૈફ અલી ખાનને શુક્રવારે સુપ્રીમ કોર્ટ તરફથી મોટી રાહત મળી છે. સુપ્રીમ કોર્ટે મધ્યપ્રદેશ હાઈકોર્ટના ભોપાલના છેલ્લા નવાબ હમીદુલ્લા ખાનના અંગત મિલકત વિવાદ કેસને ફરીથી સુનાવણી માટે નીચલી કોર્ટમાં મોકલવાના આદેશ પર સ્ટે મુક્યો છે.
જુલાઈમાં, હાઈકોર્ટે નીચલી કોર્ટના નિર્ણયને ફગાવી દીધો હતો જેમાં સૈફ અલી ખાન, તેની બહેનો સોહા અલી ખાન અને સબા સુલતાન અને માતા શર્મિલા ટાગોરને મિલકતના કાનૂની વારસદાર ગણવામાં આવ્યા હતા. જોકે, જસ્ટિસ પીએસ નરસિંહા અને અતુલ ચાંદુરકરની બેન્ચે નોટિસ જારી કરીને હાઈકોર્ટના આદેશ પર હાલ પૂરતો સ્ટે મુક્યો છે.
હાઈકોર્ટે 25 વર્ષ જૂના નિર્ણયને ઉથલાવી દીધો હતો
જુલાઈમાં જબલપુર બેન્ચે ભોપાલ ટ્રાયલ કોર્ટના 14 ફેબ્રુઆરી, 2000ના નિર્ણયને રદ કર્યો હતો. તે નિર્ણયમાં, નવાબની પુત્રી સાજિદા સુલતાન, તેમના સ્વર્ગસ્થ પુત્ર મન્સૂર અલી ખાન પટૌડી અને તેમના વારસદારો – સૈફ અલી ખાન, સોહા અલી ખાન, સબા સુલતાન અને શર્મિલા ટાગોરને મિલકતના એકમાત્ર માલિક જાહેર કરવામાં આવ્યા હતા. હાઈકોર્ટે આ નિર્ણયને રદ કર્યો હતો અને નવી સુનાવણીનો આદેશ આપ્યો હતો. હવે, સુપ્રીમ કોર્ટે હાઈકોર્ટના આ નિર્ણય પર સ્ટે મુક્યો છે.
સૈફ અલી ખાનનું વર્ક ફ્રન્ટ
વર્ક ફ્રન્ટ વિશે વાત કરીએ તો, સૈફ અલી ખાન તાજેતરમાં નેટફ્લિક્સની એક્શન થ્રિલર ફિલ્મ ‘જ્વેલ થીફ: ધ હેઈસ્ટ બિગિન્સ’માં જોવા મળ્યો હતો, જેમાં જયદીપ અહલાવત પણ તેની સાથે મુખ્ય ભૂમિકામાં હતો. સૈફની આગામી ફિલ્મોમાં ‘અર્જુન ઉસ્તારા’, ‘રેસ 4: રીલોડેડ’, ‘ગો ગોવા ગોન 2’ અને અન્ય ઘણા પ્રોજેક્ટ્સનો સમાવેશ થાય છે. સૈફ અલી ખાને ‘કલ હો ના હો’, ‘દિલ ચાહતા હૈ’, ‘હમ તુમ’ અને ‘ઓમકારા’ જેવી ઘણી હિટ ફિલ્મોમાં કામ કર્યું છે.
