લિસ્બનમાં એક ટ્રામ (સ્ટ્રીટકાર) પાટા પરથી ઉતરી ગઈ. આ અકસ્માતમાં 15 લોકોના મોત થયા. જ્યારે 18 લોકો ઘાયલ થયા.
લિસ્બનમાં એક ટ્રામ (સ્ટ્રીટકાર) પાટા પરથી ઉતરી ગઈ. આ અકસ્માતમાં 15 લોકોના મોત થયા. જ્યારે 18 લોકો ઘાયલ થયા. રાષ્ટ્રપતિ માર્સેલો રેબેલો ડી સોસાએ આ ઘટના પર શોક વ્યક્ત કર્યો. નેશનલ ઇન્સ્ટિટ્યૂટ ઓફ મેડિકલ ઇમરજન્સીએ જણાવ્યું હતું કે ઘાયલોમાંથી પાંચની હાલત ગંભીર છે. ઘાયલોમાં વિદેશી નાગરિકો અને એક બાળકનો પણ સમાવેશ થાય છે.
પોર્ટુગીઝ મીડિયા અનુસાર, પીળી અને સફેદ ટ્રામ એક સાંકડા રસ્તા પર પલટી ગઈ. તેની બાજુઓ અને ઉપરના ભાગને આંશિક નુકસાન થયું હતું. સાંજે લગભગ છ વાગ્યે, ટ્રામ રસ્તાના વળાંક પર એક ઇમારત સાથે અથડાઈ. આ પછી, તે નિયંત્રણ બહાર થઈ ગઈ અને ટેકરી પરથી નીચે પડી ગઈ. લિસ્બનના મેયર કાર્લોસ મોએડાસે કહ્યું કે શહેર શોકમાં છે. આ એક દુ:ખદ અકસ્માત હતો. આ એક એવી દુર્ઘટના છે જે આપણે પહેલાં ક્યારેય જોઈ નથી. રાષ્ટ્રપતિ માર્સેલો રેબેલો ડી સોસાએ અસરગ્રસ્ત પરિવારો પ્રત્યે સંવેદના વ્યક્ત કરી.
યુરોપિયન કમિશનના પ્રમુખ ઉર્સુલા વોન ડેર લેયેને પણ સંવેદના વ્યક્ત કરી. “પ્રસિદ્ધ એલેવાડોર દા ગ્લોરિયાના પાટા પરથી ઉતરી જવાના સમાચાર સાંભળીને મને ખૂબ જ દુઃખ થયું છે,” તેમણે X પર લખ્યું. પોર્ટુગીઝ સરકારે એક નિવેદનમાં જણાવ્યું હતું કે બચાવ કામગીરી પૂર્ણ થયા પછી કારણોની તપાસ શરૂ કરવામાં આવશે.
