એસોસિએશન ફોર ડેમોક્રેટિક રિફોર્મ્સ (ADR) નો એક રિપોર્ટ બહાર આવ્યો છે, જેમાં ખુલાસો થયો છે કે દેશના લગભગ 47% મંત્રીઓ સામે ફોજદારી કેસ નોંધાયેલા છે
એસોસિએશન ફોર ડેમોક્રેટિક રિફોર્મ્સ (ADR) નો એક રિપોર્ટ બહાર આવ્યો છે, જેમાં ખુલાસો થયો છે કે દેશના લગભગ 47% મંત્રીઓ સામે ફોજદારી કેસ નોંધાયેલા છે. આમાંથી કેટલાક કેસ ખૂબ જ ગંભીર છે, જેમાં હત્યા, અપહરણ અને મહિલાઓ વિરુદ્ધ ગુના જેવા ગંભીર આરોપોનો સમાવેશ થાય છે. આ રિપોર્ટ મંત્રીઓ દ્વારા ચૂંટણી પંચને સુપરત કરાયેલા સોગંદનામા પર આધારિત છે.
ADR એ 27 રાજ્યો, 3 કેન્દ્રશાસિત પ્રદેશો અને કેન્દ્ર સરકારના કુલ 643 મંત્રીઓના સોગંદનામાનો અભ્યાસ કર્યો. ત્યારબાદ જાણવા મળ્યું કે 643 માંથી 302 મંત્રીઓ ફોજદારી કેસોમાં આરોપી છે. આમાંથી 174 મંત્રીઓ સામે ગંભીર ગુનાઓના કેસ નોંધાયેલા છે.
આ રિપોર્ટ એવા સમયે આવ્યો છે જ્યારે કેન્દ્ર સરકારે નવા બિલ રજૂ કર્યા છે. આ બિલોમાં જણાવાયું છે કે જો વડાપ્રધાન, મુખ્યમંત્રી કે મંત્રી ગંભીર ફોજદારી કેસમાં 30 દિવસ માટે જેલમાં જાય છે, તો તેમને તેમના પદ પરથી દૂર કરવામાં આવશે.
