સેન્ટ્રલ બોર્ડ ઓફ સેકન્ડરી એજ્યુકેશન (CBSE) દ્વારા ધોરણ 10 અને 12ની બોર્ડ પરીક્ષા 2027નું સમયપત્રક જાહેર કરવામાં આવ્યું છે.
સેન્ટ્રલ બોર્ડ ઓફ સેકન્ડરી એજ્યુકેશન (CBSE) દ્વારા ધોરણ 10 અને 12ની બોર્ડ પરીક્ષા 2027નું સમયપત્રક જાહેર કરવામાં આવ્યું છે. બંને ધોરણોની પરીક્ષાઓ 16 ફેબ્રુઆરી, 2027થી શરૂ થશે. બોર્ડની જાહેરાતથી વિદ્યાર્થીઓ અને વાલીઓમાં પરીક્ષાની તૈયારીઓને લઈને હલચલ શરૂ થઈ છે.
CBSEના જણાવ્યા અનુસાર, તમામ પરીક્ષાઓ સવારે 10:30 વાગ્યે શરૂ થશે. ધોરણ 10ના વિદ્યાર્થીઓ 83 વિષયો માટે પરીક્ષા આપશે. જ્યારે ધોરણ 12ના વિદ્યાર્થીઓ 121 વિષયોની પરીક્ષા આપશે.
40 હજારથી વધુ વિષય સંયોજનોને ધ્યાનમાં રાખીને સમયપત્રક
CBSEએ પરીક્ષાનું સમયપત્રક તૈયાર કરતી વખતે 40,000થી વધુ વિષય સંયોજનોને ધ્યાનમાં રાખ્યા છે. આ આયોજનનો મુખ્ય હેતુ વિદ્યાર્થીઓના પસંદ કરેલા બે વિષયોની પરીક્ષા એક જ દિવસે ન આવે તે સુનિશ્ચિત કરવાનો છે.
બોર્ડે પરીક્ષાઓ શરૂ થવાના 101 દિવસ પહેલાં સમયપત્રક જાહેર કર્યું છે. જેથી વિદ્યાર્થીઓને તૈયારી માટે પૂરતો સમય મળી રહે.
સમયપત્રક બનાવતી વખતે આ બાબતોનું ધ્યાન રખાયું
CBSEએ જણાવ્યું હતું કે પરીક્ષાનું આયોજન કરતી વખતે અનેક મહત્વના મુદ્દાઓ ધ્યાનમાં લેવામાં આવ્યા છે. તેમાં વિદ્યાર્થીઓ દ્વારા પસંદ કરાયેલા વિષયો વચ્ચે પૂરતું અંતર રાખવામાં આવ્યું છે.
આ ઉપરાંત ધોરણ 12ના વિદ્યાર્થીઓની પ્રવેશ પરીક્ષાઓની સંભવિત તારીખો પણ ધ્યાનમાં લેવામાં આવી છે. પરીક્ષા કેન્દ્રો પર વિદ્યાર્થીઓની સંખ્યા અને શાળાઓમાં શિક્ષકોની ઉપલબ્ધતાનું પણ આયોજન કરવામાં આવ્યું છે.
બોર્ડનો પ્રયાસ છે કે વિદ્યાર્થીઓને પરીક્ષાની તૈયારી માટે પૂરતો સમય મળે અને કોઈ બે પસંદ કરેલા વિષયોની પરીક્ષા એક જ દિવસે ન આવે.
CBSE Board Exam 2027: મહત્વની વિગતો
- પરીક્ષા બોર્ડ: સેન્ટ્રલ બોર્ડ ઓફ સેકન્ડરી એજ્યુકેશન (CBSE)
- પરીક્ષાની શરૂઆત: 16 ફેબ્રુઆરી, 2027
- પરીક્ષાનો સમય: સવારે 10:30 વાગ્યે
- ધોરણ 10: 83 વિષયો
- ધોરણ 12: 121 વિષયો
આ જાહેરાત બાદ હવે વિદ્યાર્થીઓએ જાહેર થયેલા સમયપત્રક પ્રમાણે પોતાની પરીક્ષાની તૈયારી શરૂ કરવાની રહેશે.
