BCCI સચિવ દેવજીત સૈકિયાએ જાહેરાત કરી છે કે છેલ્લા ત્રણ વર્ષ વિદેશમાં યોજાયા બાદ, આ વર્ષે ડિસેમ્બરમાં IPL ઓક્શનનું આયોજન ભારતમાં ગોવા ખાતે થશે.
આઈપીએલ (IPL) ની આગામી સીઝનની તૈયારીઓ વચ્ચે ક્રિકેટ ચાહકો માટે એક ઉત્સાહજનક અપડેટ સામે આવી છે. BCCI સચિવ દેવજીત સૈકિયાએ જાહેરાત કરી છે કે, આ વર્ષે IPL ઓક્શન (હરાજી)નું આયોજન ગોવામાં કરવામાં આવશે. નોંધનીય છે કે છેલ્લા ૩ વર્ષથી આઈપીએલનું ઓક્શન ભારતની બહાર વિદેશી ધરતી પર યોજાઈ રહ્યું હતું, પરંતુ આ વખતે BCCIએ ફરી એકવાર ભારતમાં જ ઓક્શન યોજવાનો મહત્વનો નિર્ણય લીધો છે.
ઓક્શન સ્થળ અને ભૂતકાળની વિગતો
-
વિદેશમાંથી પરત દેશમાં: અગાઉના છેલ્લા ત્રણ આઈપીએલ ઓક્શન સાઉદી અરેબિયા, દુબઈ અને અબુ ધાબી (યુએઈ) જેવા વિદેશી સ્થળો પર સફળતાપૂર્વક યોજાયા હતા.
-
ગોવા બનશે યજમાન: આ વખતે ડિસેમ્બર મહિનામાં યોજાનારી આઈપીએલ હરાજીની યજમાની પ્રખ્યાત પ્રવાસન સ્થળ ગોવાને સોંપવામાં આવી છે, જેને લઈને ફ્રેન્ચાઇઝીઓ અને ક્રિકેટ જગતમાં ભારે ઉત્સાહ જોવા મળી રહ્યો છે.
