ભારતના પ્રથમ હાઇ-સ્પીડ રેલ કોરિડોર, મુંબઈ-અમદાવાદ બુલેટ ટ્રેન પ્રોજેક્ટે એક નોંધપાત્ર સફળતા હાંસલ કરી છે. નેશનલ હાઈ સ્પીડ રેલ કોર્પોરેશન લિમિટેડ (NHSRCL)એ જાહેરાત કરી છે
ગાંધીનગર, મંગળવાર: ભારતના પ્રથમ હાઇ-સ્પીડ રેલ કોરિડોર, મુંબઈ-અમદાવાદ બુલેટ ટ્રેન પ્રોજેક્ટે એક નોંધપાત્ર સફળતા હાંસલ કરી છે. નેશનલ હાઈ સ્પીડ રેલ કોર્પોરેશન લિમિટેડ (NHSRCL)એ જાહેરાત કરી છે કે ગુજરાતના વલસાડ જિલ્લામાં દમણ ગંગા નદી પર 360 મીટર લાંબા બ્રિજનું બાંધકામ પૂર્ણ થયું છે. આ બ્રિજ ગુજરાતમાં આયોજિત 21 નદી બ્રિજમાંથી 16મો છે, અને આ સાથે વલસાડ જિલ્લામાં આવેલા તમામ પાંચ નદી બ્રિજનું કામ પૂર્ણ થયું છે.
આ વિભાગમાં વાપી બુલેટ ટ્રેન સ્ટેશન, ૩૫૦ મીટરની ટનલ, પાંચ નદી પરના બ્રિજ અને એક પીએસસી બ્રિજનો સમાવેશ થાય છે. એનએચએસઆરસીએલએ એક સત્તાવાર પ્રકાશનમાં જણાવ્યું હતું કે દમણ ગંગા નદી પર નવો પુલ ૩૬૦ મીટર લાંબો છે, જેમાં નવ ફુલ-સ્પાન ગર્ડરનો ઉપયોગ કરવામાં આવ્યો છે. આ પુલ બોઇસર અને વાપી બુલેટ ટ્રેન સ્ટેશનો વચ્ચે આવેલો છે. વલસાડમાં પૂર્ણ થયેલા અન્ય નદી પરના બ્રિજોમાં ઔરંગા (૩૨૦ મીટર), પાર (૩২০ મીટર), કોલક (૧૬૦ મીટર) અને દરોથા (૮૦ મીટર)નો સમાવેશ થાય છે.
