રાજ્યમાં આવકનું પ્રમાણપત્ર મેળવવાની પ્રક્રિયામાં મોટો ફેરફાર. હવે જિલ્લા કલેક્ટર કચેરીમાં અરજી, Self Declaration ફરજિયાત અને જલ્દી ઓનલાઇન સુવિધા મળશે.
ગાંધીનગર, શુક્રવાર
રાજ્ય સરકારના સામાજિક ન્યાય અને અધિકારીતા વિભાગે આવકનું પ્રમાણપત્ર મેળવવાની પ્રક્રિયામાં મહત્વપૂર્ણ ફેરફાર કર્યા છે. 18 February 2026ના રોજ બહાર પડેલા હુકમ મુજબ હવે આવકનું પ્રમાણપત્ર મેળવવાની પ્રક્રિયા વધુ સરળ અને પારદર્શક બનશે.
જિલ્લા કલેક્ટર કચેરી રહેશે મુખ્ય સત્તાધિકારી
નવા નિયમો મુજબ સમગ્ર પ્રક્રિયા જિલ્લા કલેક્ટર કચેરીના માર્ગદર્શન હેઠળ રહેશે. શહેર વિસ્તારમાં મામલતદારને સત્તા આપવામાં આવી છે. ગ્રામ્ય વિસ્તારમાં તાલુકા વિકાસ અધિકારી જવાબદાર રહેશે. અરજદારે નિર્ધારિત ફોર્મમાં અરજી કરવી પડશે અને જરૂરી દસ્તાવેજો જોડવા પડશે.
સ્વ-ઘોષણાપત્ર હવે ફરજિયાત
હવે આવકનું પ્રમાણપત્ર મેળવવા માટે Self Declaration (સ્વ-ઘોષણાપત્ર) આપવું અનિવાર્ય રહેશે. જો કોઈ અરજદાર ખોટી માહિતી આપશે તો તેની સામે કાયદેસરની કાર્યવાહી કરવામાં આવશે. સરકારે આ બાબત સ્પષ્ટ રીતે પરિપત્રમાં નોંધાવી છે.
પ્રમાણપત્રની માન્યતા અંગે સ્પષ્ટતા
નવા પરિપત્રમાં આવકના પ્રમાણપત્રની માન્યતા સમયગાળા વિશે પણ સ્પષ્ટ ઉલ્લેખ કરવામાં આવ્યો છે. અગાઉ રહેલી ગૂંચવણ દૂર કરીને હવે પ્રમાણપત્ર કેટલા સમય સુધી માન્ય રહેશે તેની સ્પષ્ટ નોંધ કરવામાં આવશે. ઓનલાઇન પ્રક્રિયા તરફ સરકારનું પગલું સરકાર ડિજિટલ સુવિધા વધારવા તરફ આગળ વધી રહી છે.
- Digital Gujarat Portal
- Single Sign-On (SSO) System
આ બંને સાથે આવકના પ્રમાણપત્રની સેવા જોડવાની કામગીરી શરૂ કરવામાં આવી છે. ઓનલાઇન સિસ્ટમ સંપૂર્ણ રીતે અમલમાં આવે ત્યાં સુધી હાલની પ્રક્રિયા ચાલુ રહેશે.
શું મળશે લાભ?
વિભાગના અધિકારીઓના જણાવ્યા મુજબ આ સુધારાથી ગરીબ અને જરૂરિયાતમંદ વર્ગને સરકારી યોજનાઓનો લાભ મેળવવા માટે આવકનું પ્રમાણપત્ર સરળતાથી મળશે. સાથે જ સમગ્ર પ્રક્રિયામાં પારદર્શિતા અને એકરૂપતા આવશે. રાજ્ય સરકારનો આ નિર્ણય અરજદારો માટે રાહતરૂપ સાબિત થશે. આવકનું પ્રમાણપત્ર હવે વધુ સરળ, સ્પષ્ટ અને ડિજિટલ પદ્ધતિથી ઉપલબ્ધ થવા જઈ રહ્યું છે, જે ભવિષ્યમાં સમય અને મહેનત બંને બચાવશે.
