કલેક્ટરના માર્ગદર્શન અને મદદનીશ ભૂસ્તરશાસ્ત્રી પ્રણવ સિંહની સૂચના હેઠળ, ભૂસ્તર વિજ્ઞાન અને ખનિજ ખાતાની ક્ષેત્રીય ટીમ દ્વારા 19 જૂન, 2025 ના રોજ ગાંધીનગર જિલ્લાના વિવિધ વિસ્તારોમાં આકસ્મિક તપાસ હાથ ધરવામાં આવી હતી.
ગાંધીનગર, શુક્રવાર
ગાંધીનગર જિલ્લામાં ખનીજ ચોરી અને બિનઅધિકૃત પ્રવૃત્તિઓ સામે કડક કાર્યવાહી શરૂ થઈ ગઈ છે. જિલ્લા કલેક્ટર મેહુલ કે. દવેની સીધી સૂચના હેઠળ, ભૂસ્તર વિભાગે આકસ્મિક ચેકિંગ હાથ ધરીને રેતી ખનીજનું ગેરકાયદેસર વહન કરતા કુલ 5 વાહનો જપ્ત કર્યા છે. આ કાર્યવાહીમાં આશરે 1.65 કરોડનો મુદ્દામાલ જપ્ત કરવામાં આવ્યો છે, જે ખનીજ માફિયાઓને મોટો ફટકો છે.
ઝડપી કાર્યવાહી અને ઉચ્ચ અધિકારીઓની ભૂમિકા
જિલ્લા કલેક્ટર મેહુલ કે. દવેએ સ્પષ્ટપણે જણાવ્યું છે કે, જિલ્લામાં કોઈપણ પ્રકારની ગુનાખોરી, નફાખોરી કે કાળાબજારી જેવા કૃત્યો, જે નાગરિકો અને સરકારને નુકસાન પહોંચાડે છે, તેમને સાંખી લેવામાં આવશે નહીં. આ નિવેદનને પગલે વહીવટી તંત્ર વધુ સતર્ક અને સચેત બન્યું છે.
કલેક્ટરના માર્ગદર્શન અને મદદનીશ ભૂસ્તરશાસ્ત્રી પ્રણવ સિંહની સૂચના હેઠળ, ભૂસ્તર વિજ્ઞાન અને ખનિજ ખાતાની ક્ષેત્રીય ટીમ દ્વારા 19 જૂન, 2025 ના રોજ ગાંધીનગર જિલ્લાના વિવિધ વિસ્તારોમાં આકસ્મિક તપાસ હાથ ધરવામાં આવી હતી.
કયા વાહનો જપ્ત કરાયા?
આ ઓપરેશન દરમિયાન, ખનીજના બિનઅધિકૃત વહન કરતા નીચેના 5 વાહનો જપ્ત કરવામાં આવ્યા છે:
* ઉવારસદ: ડમ્પર નંબર GJ-24-X-8271, રોયલ્ટી પાસ વગર રેતી ખનીજનું બિનઅધિકૃત વહન કરતા પકડાયું.
* દાંતલિયા ગામ: ડમ્પર નંબર GJ-17-XX-4847 અને ડમ્પર નંબર GJ-24-X-7224, બંને રોયલ્ટી પાસ વગર રેતી ખનીજનું બિનઅધિકૃત વહન કરતા ઝડપાયા.
* પીંપળજ ચેકપોસ્ટ: ડમ્પર નંબર GJ-01-LT-1588 અને ડમ્પર નંબર GJ-01-KT-7713, બંને રોયલ્ટી પાસથી વધુ સાદી રેતી ખનીજનું બિનઅધિકૃત વહન કરતા પકડાયા.
આગળની કાર્યવાહી
જપ્ત કરાયેલા વાહનોના માલિકો સામે ગુજરાત મિનરલ પ્રિવેન્શન ઓફ ઇલ્લીગલ માઇનીંગ, ટ્રાન્સપોર્ટેશન અને સ્ટોરેજ નિયમો-2017 ના નિયમો હેઠળ દંડકીય કાર્યવાહી હાથ ધરવામાં આવશે.
