અમદાવાદમાં 149મી રથયાત્રાનો ભવ્ય પ્રારંભ થયો. ભક્તોની આંખોમાં આસ્થાના અશ્રુ અને મુખ પર ‘જય રણછોડ, માખણચોર’નો જયઘોષ હતો. પરંપરાગત રીત-રિવાજો સાથે નીકળેલી આ યાત્રા વર્ષોથી શહેરની એકતા અને ભક્તિનું પ્રતીક બની રહી છે.
અમદાવાદના આંગણે આજે ભગવાન જગન્નાથજીની ૧૪૯મી ઐતિહાસિક રથયાત્રાનો ભવ્ય પ્રારંભ થયો છે. વહેલી સવારે જમાલપુર જગન્નાથ મંદિર ખાતે મંગળા આરતી અને ગજરાજની આગેવાનીમાં પ્રભુના રથનું નગરચર્યા માટે પ્રસ્થાન થયું ત્યારે હજારો ભક્તોની આંખોમાં આસ્થાના અશ્રુ અને મુખ પર ‘જય રણછોડ, માખણચોર’નો જયઘોષ હતો. પરંપરાગત રીત-રિવાજો સાથે નીકળેલી આ યાત્રા વર્ષોથી શહેરની એકતા અને ભક્તિનું પ્રતીક બની રહી છે.
આ વર્ષે રથયાત્રાની સુરક્ષા વ્યવસ્થાને ખાસ પ્રાધાન્ય આપવામાં આવ્યું છે. ૩૦,૦૦૦થી વધુ પોલીસ જવાનો અને આધુનિક ટેકનોલોજીના સમન્વયથી એક અભેદ્ય સુરક્ષા કવચ તૈયાર કરવામાં આવ્યું છે. સમગ્ર રૂટ પર ૬૫ હાઈ-ટેક ડ્રોન દ્વારા આકાશી દેખરેખ રાખવામાં આવી રહી છે, જ્યારે ફેસ રેકોગ્નિશન ટેકનોલોજી અને સીસીટીવી કેમેરા દ્વારા દરેક હિલચાલ પર પોલીસની બાજ નજર છે. જમાલપુરથી નીકળેલી આ યાત્રા જ્યારે સરસપુરના મોસાળ તરફ આગળ વધી રહી છે, ત્યારે ભક્તોનું ઘોડાપૂર ઉમટી પડ્યું છે.
રથયાત્રાનો રૂટ અને સમયપત્રક (અંદાજિત):
રથયાત્રા સવારે ૦૭:૦૦ વાગ્યે જમાલપુર સ્થિત શ્રી જગન્નાથ મંદિરથી શરૂ થઈ હતી અને લગભગ ૧૬ કિલોમીટરનો માર્ગ કાપીને રાત્રે ૦૮:૩૦ વાગ્યે પરત નિજ મંદિરે આવી હતી.
મુખ્ય માર્ગ:
જમાલપુર જગન્નાથ મંદિર → વૈશ્ય સભા → ગોલીમડા → આસ્ટોડિયા ચકલા → મદનગોપાલની હવેલી → રાયપુર ચકલા → ખાડિયા જૂની ગેટ → ખાડિયા ચાર રસ્તા → પંચકૂવા → કાલુપુર સર્કલ → કાલુપુર બ્રિજ → સરસપુર (ભગવાનનું મોસાળ).
પરત ફરવાનો માર્ગ:
સરસપુર → કાલુપુર ચોખા બજાર → પ્રેમ દરવાજા → દરિયાપુર → શાહપુર → દિલ્હી ચકલા → ઘી કાંટા → પાનકોર નાકા → માણેકચોક → ખમાસા → જમાલપુર જગન્નાથ મંદિર.
સમયપત્રક (સંભવિત):
-
સવારે ૦૭:૦૦: મંદિરથી પ્રસ્થાન
-
સવારે ૦૯:૦૦: મ્યુનિસિપલ કોર્પોરેશન વિસ્તાર
-
સવારે ૧૦:૩૦: ખાડિયા ચાર રસ્તા
-
બપોરે ૧૨:૦૦: સરસપુર આગમન (મોસાળ)
-
બપોરે ૦૧:૩૦: સરસપુરથી પરત પ્રસ્થાન
-
સાંજે ૦૬:૩૦: માણેકચોક
-
રાત્રે ૦૮:૩૦: નિજ મંદિરે આગમન
