તમિલનાડુ સરકારે સ્વાસ્થ્ય વીમા મર્યાદા 25 લાખ સુધી વધારવા, દૂધ ખરીદ ભાવ પ્રતિ લીટર 41 રૂપિયા કરવા અને મેડિકલ શિક્ષણ ક્ષેત્રે મોટા નિર્ણયો જાહેર કર્યા છે.
તમિલનાડુ સરકાર દ્વારા રાજ્યના નાગરિકો, દૂધ ઉત્પાદકો અને હેલ્થ સેક્ટર માટે કેટલાક મહત્વપૂર્ણ અને મોટા નિર્ણયો લેવામાં આવ્યા છે. મુખ્યમંત્રી વ્યાપક સ્વાસ્થ્ય વીમા યોજના હેઠળ વાર્ષિક સારવાર મર્યાદા ૫ લાખ રૂપિયાથી વધારીને ૨૫ લાખ રૂપિયા કરવાનો પ્રસ્તાવ રજૂ કરવામાં આવ્યો છે. આ સાથે જ દૂધ ખરીદ કિંમતમાં પણ વધારો કરવામાં આવ્યો છે, જેનાથી લાખો લોકોને સીધો ફાયદો થશે.
દૂધ ઉત્પાદકો માટે રાહત અને ખરીદ કિંમતમાં વધારો
-
દૂધની ખરીદ કિંમત વધી: સરકાર દ્વારા દૂધ ઉત્પાદકોને રાહત આપતા ખરીદ મૂલ્ય ૩૮ રૂપિયાથી વધારીને ૪૧ રૂપિયા પ્રતિ લીટર કરવામાં આવ્યું છે. આ નિર્ણયથી અંદાજે ૩.૧૬ લાખ દૂધ ઉત્પાદકોને લાભ મળવાની અપેક્ષા છે.
-
સરકારી પ્રોત્સાહન અને ખર્ચ: દૂધ ઉત્પાદકોને મળતું સરકારી પ્રોત્સાહન પણ ૩ રૂપિયાથી વધારીને ૫ રૂપિયા પ્રતિ લીટર કરાયું છે. ખરીદ મૂલ્ય વધવાથી સરકાર પર દર મહિને અંદાજે ૩૦ કરોડ રૂપિયા અને વાર્ષિક ૩૬૦ કરોડ રૂપિયાનો વધારાનો બોજ પડશે.
હેલ્થ ઇન્શ્યોરન્સ કવર ૫ થી ૨૫ લાખ રૂપિયા
-
સ્વાસ્થ્ય વીમા મર્યાદામાં વધારો: સ્વાસ્થ્ય ક્ષેત્રે સરકારે મોટું પગલું ભરતા મુખ્યમંત્રી વ્યાપક સ્વાસ્થ્ય વીમા યોજના હેઠળ સારવારની વાર્ષિક મર્યાદા ૫ લાખથી વધારીને ૨૫ લાખ રૂપિયા કરી દીધી છે, જેથી ગંભીર બીમારીઓની સારવારમાં નાણાકીય સહાય મળી રહે.
-
ટ્રાન્સજેન્ડર સમુદાય માટે સેવાઓ: સરકાર દ્વારા ટ્રાન્સજેન્ડર લોકો માટે પણ વધારાની મેડિકલ અને સર્જિકલ સેવાઓ આ યોજનામાં સામેલ કરવાની જાહેરાત કરાઈ છે, જે ચેન્નઈ, તિરુનેલવેલી, તુતીકોરીન અને ચેંગલપટ્ટુ સહિતની સરકારી હોસ્પિટલોમાં ઉપલબ્ધ થશે.
મેડિકલ શિક્ષણ અને નવી હોસ્પિટલનું નિર્માણ
-
મેડિકલ શિક્ષણ માટે ગ્રાન્ટ: તમિલનાડુ સરકારે મેડિકલ અને નર્સિંગ શિક્ષણને મજબૂત કરવા માટે ૩૫૧ કરોડ રૂપિયા મંજૂર કર્યા છે, જેના અંતર્ગત સરકારી મેડિકલ કોલેજોમાં કુલ ૬,૦૯૮ વધારાની બેઠકો વધારવામાં આવશે અને ૭ નવી સરકારી નર્સિંગ કોલેજો સ્થપાશે.
-
સ્વાસ્થ્ય સુવિધાઓને વધુ બહેતર બનાવવા માટે (Perambalur) માં ૩૦૦ કરોડ રૂપિયાના ખર્ચે ૪૦૦ બેડની મલ્ટી- હોસ્પિટલનું નિર્માણ કરવામાં આવશે.
