73મી મિસ વર્લ્ડ સ્પર્ધાનો ખિતાબ ડોમિનિકન રિપબ્લિકની મોડેલ જોહરી મોલ ડોમિંગ્યુએઝે જીત્યો છે, જેમાં સ્પેનની એલિઝાબેથ રેનેસ ફર્સ્ટ રનર-અપ રહી છે.
વિશ્વની પ્રતિષ્ઠિત મિસ વર્લ્ડ સ્પર્ધામાં નવી વિજેતાની જાહેરાત થઈ ગઈ છે. ૭૩મો મિસ વર્લ્ડનો ખિતાબ ડોમિનિકન રિપબ્લિકની મોડેલ જોહરી મોલ ડોમિંગ્યુએઝે (Johari Moll Dominguez) પોતાના નામે કર્યો છે. તેણીએ ફાઇનલ મુકાબલામાં સ્પેનિશ મોડેલ એલિઝાબેથ રેનેસને હરાવીને આ તાજ જીત્યો છે, જ્યારે એલિઝાબેથ રેનેસ ફર્સ્ટ રનર-અપ અને મલેશિયાની તનુસિયા ચેટ્ટી સેકન્ડ રનર-અપ રહી હતી.
વિજેતા અને તાજપોશીની વિશેષતાઓ
-
તાજપોષીનો ભાવુક ક્ષણ: જોહરી મોલને ગયા વર્ષની મિસ વર્લ્ડ વિજેતા અને થાઇલેન્ડની મોડેલ ઓપલ સુચાતા ચુઆંગશ્રી દ્વારા મિસ વર્લ્ડનો તાજ પહેરાવવામાં આવ્યો હતો. તાજ પ્રાપ્ત કર્યા બાદ જોહરી ભાવુક થઈ ગઈ હતી અને આંસુ છલકાઈ આવ્યા હતા, જ્યારે ઓપલે તેને ભેટીને અભિનંદન પાઠવ્યા હતા.
-
ભૂતપૂર્વ વિજેતા: ગત વર્ષે આયોજિત ૭૨મી મિસ વર્લ્ડ સ્પર્ધામાં થાઇલેન્ડની ઓપલ સુચાતા ચુઆંગશ્રીએ પોતાના દેશ માટે પ્રથમવાર આ ખિતાબ જીતીને ઇતિહાસ રચ્યો હતો.
