ગુજરાતમાં છેલ્લા 24 કલાકમાં સાંતલપુરમાં 15 ઇંચ વરસાદ સાથે 265 તાલુકાઓમાં વરસાદ નોંધાયો છે. આજે ઉત્તર અને મધ્ય ગુજરાતના અનેક જિલ્લાઓમાં ભારેથી અત્યંત ભારે વરસાદની આગાહી છે.
રાજ્યમાં ચોમાસું ફરી એકવાર અતિ સક્રિય બન્યું છે. છેલ્લા 24 કલાકમાં ઉત્તર અને મધ્ય ગુજરાતના અનેક વિસ્તારોમાં મેઘરાજાએ સાંબેલાધાર બેટિંગ કરતા જનજીવન પ્રભાવિત થયું છે. સ્ટેટ ઈમરજન્સી ઓપરેશન સેન્ટરના અહેવાલ મુજબ, રાજ્યના 265 તાલુકાઓમાં વરસાદ નોંધાયો છે.
વરસાદના રેકોર્ડબ્રેક આંકડા (છેલ્લા 24 કલાક)
પાટણ અને બનાસકાંઠા પંથકમાં સૌથી વધુ વરસાદ નોંધાયો છે:
-
સાંતલપુર (પાટણ): 15 ઇંચ (સૌથી વધુ)
-
રાધનપુર (પાટણ): 13.46 ઇંચ
-
ભાભર (વાવ-થરાદ): 11.30 ઇંચ
-
નડીયાદ (ખેડા): 10.31 ઇંચ
-
મહેમદાવાદ (ખેડા): 8.39 ઇંચ
-
દાંતીવાડા (બનાસકાંઠા) અને થાનગઢ (સુરેન્દ્રનગર): 7.09 ઇંચ
આ ઉપરાંત, રાજ્યમાં 10 ઇંચથી વધુ વરસાદ ધરાવતા 4 તાલુકાઓ અને 5 ઇંચથી વધુ વરસાદ ધરાવતા અનેક વિસ્તારોમાં ભારે જળબંબાકારની સ્થિતિ સર્જાઈ છે.
વરસાદનું વ્યાપક વિતરણ
-
11 ઇંચથી વધુ: 1 તાલુકો
-
10 ઇંચથી વધુ: 2 તાલુકા
-
8 ઇંચથી વધુ: 1 તાલુકો
-
7 ઇંચથી વધુ: 2 તાલુકા
-
6 ઇંચથી વધુ: 2 તાલુકા
-
5 ઇંચથી વધુ: 5 તાલુકા
-
4 ઇંચથી વધુ: 18 તાલુકા
-
3 ઇંચથી વધુ: 33 તાલુકા
આગાહી: આજે પણ અનેક જિલ્લામાં રેડ એલર્ટ
હવામાન વિભાગની આગાહી મુજબ આજે પણ રાજ્યમાં ભારે સાર્વત્રિક વરસાદની શક્યતા છે:
-
અતિભારેથી અત્યંત ભારે વરસાદ: મહેસાણા, સાબરકાંઠા, ગાંધીનગર, અરવલ્લી, ખેડા અને મહિસાગર.
-
અતિભારે વરસાદ: બનાસકાંઠા, પાટણ, અમદાવાદ, આણંદ, પંચમહાલ, દાહોદ, વડોદરા, છોટાઉદેપુર અને ભરૂચ.
-
ભારે વરસાદ: સૌરાષ્ટ્રના રાજકોટ, અમરેલી, ભાવનગર, મોરબી, સુરેન્દ્રનગર અને બોટાદ જિલ્લામાં વરસાદની આગાહી કરવામાં આવી છે.
