આઈસીસી મહિલા વિશ્વ કપમાં રવિવારે ભારત અને બાંગ્લાદેશ વચ્ચે રમાનારી લીગ મેચ સતત વરસાદને કારણે રદ્દ કરવામાં આવી હતી.
આઈસીસી મહિલા વિશ્વ કપમાં રવિવારે ભારત અને બાંગ્લાદેશ વચ્ચે રમાનારી લીગ મેચ સતત વરસાદને કારણે રદ્દ કરવામાં આવી હતી. વરસાદથી પ્રભાવિત આ મેચમાં, જે 27 ઓવરની કરી દેવામાં આવી હતી, બાંગ્લાદેશે પ્રથમ બેટિંગ કરતા 9 વિકેટે 119 રન બનાવ્યા હતા. શર્મિન અખ્તર (36) બાંગ્લાદેશ તરફથી સર્વાધિક સ્કોરર રહી, જ્યારે ભારત માટે રાધા યાદવે 3 વિકેટ લીધી.
126 રનના સુધારેલા લક્ષ્યનો પીછો કરવા ઉતરેલા ભારતે 8.4 ઓવરમાં કોઈ વિકેટ ગુમાવ્યા વિના 57 રન બનાવી લીધા હતા. સ્મૃતિ મંધાના (34) અને અમનજોત કૌર (15) સારી શરૂઆત આપી હતી. જોકે, ત્રીજી વખત વરસાદના કારણે રમત રોકાઈ અને ફરી શરૂ થઈ શકી નહીં, જેના પરિણામે મેચ રદ્દ જાહેર કરવામાં આવી. ભારત પહેલેથી જ સેમિફાઇનલમાં પહોંચી ગયું છે અને હવે ગુરુવારે ઓસ્ટ્રેલિયા સામે ટકરાશે. મેચ દરમિયાન ફિલ્ડિંગ કરતી વખતે ભારતીય ઓપનર પ્રતિકા રાવલને પગની ઘૂંટી અને ઘૂંટણમાં ઈજા થઈ હતી, જે ટીમને ચિંતા કરાવી શકે છે.
